Samsung Galaxy A7 (2018) Aur Galaxy A9 (2018) Par Hua Price Cut Ka Announcement, Yahaan Jaane Sabhi Variants Ki New Prices

Samsung ne apne pehle triple rear camera aur quad camera wale smartphone Samsung Galaxy A7 (2018) aur  Samsung Galaxy A9 (2018) par price cut ka announcement kar diya hai. Official price cut ke baad inn dono phones ko aap Samsung ke online store aur offline stores se purchase kar sakte hain. Company ne Samsung Galaxy A7 ko last year September mein aur Samsung Galaxy A9 ko November mein announce kiya tha. Iss price cut  ki jaankari company ne khud bhi di hai saath hi Mumbai based ek retailer se bhi pata chali hai. Dono hi phones par company ne Rs 3,000 ka price cut kiya hai.

Samsung Galaxy A9 ki price mein company ne January mein hi cut kiya tha wahin issi April mein humein Samsung Galaxy A7 ka price change bhi sunne ko mila tha. Company ne Galaxy A9 ke 6GB/128GB variant ko Rs 28,990 ki price par announce kiya tha lekin price cut ke baad ab yeh device aapko Rs 25,990 ki price par milega. Wahin ab iss phone ka 8GB/128GB wala top variant aapko Rs 28,990 mein milega jiski launching price company ne Rs 36,990 rakhi thi. January mein price cut ke baad iss phone ki price Rs 31,990 thi.

 

Samsung Galaxy A7 ke base variant ki price ab Rs 15,990 ho gayi hai jo ki pehle Rs 18,990 rakhi gayi thi. Iske alawa iss phone ka Rs 6GB/128GB variant aapko Rs 19,990 mein milega iss se pehle yeh phone Rs 22,990 ki price par available tha. Haalanki iss phone ki launching price R 23,990 rakhi gayi thi. Yeh dono phones Paytm Mall aur Amazon.in par already nayi price tag ke saath dekhe jaa sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: