Samsung Galaxy A60 & A70 Ke Images Aur Specifications Leak Huye

Is year Unpacked event mein flagship S10 series ko announce karne ke baad, Samsung A-series mein bhi kaafi achhe smartphones launch kar rahi hai. India mein A10, A30 aur A50 ki announcement ke baad, company ab aur bhi Galaxy A-series ke handsets par kaam kar rahi hai. Haal hi mein Galaxy A60 aur A70 ko TENAA listings mein dekha gaya, jahaan se inki images aur specs pehli baar saamne aaye hain.

Saath hi company ne April 10 ke liye bhi ek launch event schedule kiya hai, jismein A-series ke kuch aur smartphones bhi launch hone waale hain. Maana jaa raha hai ki isi din A60, A70 aur A90 ko launch kiya jayega.

Galaxy A90 ko lekar jo rumors saamne aaye hain, unke according ismein in-display fingerprint scanner, notchless Super AMOLED display, pop-up cameras jaise features aa sakte hain. Ab baat karte hain un smartphones ki jinhein TENAA listings ke dauraan dekha gaya hai.

Galaxy A60, A70 ke comparison mein smaller hoga saath hi, aane waale three smartphones mein cheapest bhi hoga. Ismein 6.3 inch ki full HD+ AMOLED display hogi aur saath hi selfie camera ke liye punch-hole camera desig  hum image mein dekh hi sakte hain. Iske rear panel par triple rear cameras ke saath, rear mounted fingerprint scanner bhi aap dekh sakte hain aur 3410mAh ki battery fit hogi. Maana jaa raha hai Galaxy A60 ko 6GB+128GB storage option ke saath release kiya jaa sakta hai.

Iske alawa Galaxy A70, in three handsets mein mid-range price ke saath aa sakta hai. Ismein bhi aapko Infinity U notch ke saath 6.7 inch ki full HD+ Super AMOLED display mil sakti hai. Is smartphone mein bhi triple rear cameras hum dekh sakte hain, lekin yahaan fingerprint sensor nahin hai, jiska matlab yahi hai ki ismein bhi aapko in-display fingerprint sensor hi diya jayega.

Is handset ki battery capacity 4400mAh ki hogi jo fast charging support ke sath aayegi.

Well, in smartphones ki expected launch date to humne aapko bata hi di hai, lekin inki India availability aur pricing ke baare mein information aana baaki hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: