Samsung Galaxy A51 Ke Images Leak Huye: Rumored Specs Bhi Aaye Saamne

Samsung Galaxy A50 ke successor, Galaxy A51 ke leaks lagaatar internet par chaaye huye hain. Is smartphone mein Realme ke upcoming phones ki hi tarah quad rear camera milne ki ummid hai. Lekin aaj Onleaks ke through saamne aayi image ke according is phone ke quad rear camera ka design bhi saamne aaya hai aur ye bhi nazar aa raha hai ki ismein front par center mein punch-hole selfie camera mil sakta hai.

ALSO READ: Samsung Galaxy A30s & A50s Ka India Mein Hua Price Cut, Company Ne Announce Kiye Naye Prices

Galaxy A51 ka complete look aap neeche di gayi image mein dekh hi sakte hain. Iske alawa ismein aapko jo specs milne waale hain, unko lekar rumors kya kehte hain, aaiye dekhte hain.

Samsung Galaxy A51 mein 6.5 inch ki full HD+ AMOLED display ho sakti hai. Quad rear cameras yahaan par L-shape mein diye gaye hain. Iske alawa ismein aapko in-display fingerprint scanner bhi mil sakta hai. Maana jaa raha hai ki is upcoming handset mein bhi primary camera 48MP ka ho sakta hai aur other 12MP wide angle lens, 12MP telephoto lens aur 5MP depth sensor aane ke chances hain.

Iske alawa ismein aapko wahi chipset mil sakta hai, jo ki haal hi mein aaye Galaxy A50s mein tha, yaani ki Octa Core Exynos 9611 aur RAM ismein 6GB tak ki hone ki ummid hai.

Well, ye to abhi rumors hain, ab is phone ko lekar kuch interesting leaks ka humein intezaar rahega, jo hum aapke saath zaroor share karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: