Samsung Galaxy A50 Ko Mila Price Cut, Yahaan Jaane Nayi Prices Ke Baare Mein

February 2019 ke last week mein Samsung ne India mein A series smartphone Samsung Galaxy A50 ko launch kiya tha. Iss phone mein affordable price mein aapko triple rear camera diya gaya tha. Company ne iss phone ko 2 storage variants aur 3 color variants mein announce kiya tha. Haal hi mein company ne iss phone ki price cut ka announcement kiya hai. 

 

Iss phone mein aapko 4GB aur 6GB do RAM option aur 64GB ka single ROM option milta hai. 4GB/64GB variant ki launching price Rs 19,990 rakhi gayi thi. Price cut ke baad ab yeh model aapko Rs 18,490 mein milega. Iske alawa iss phone ke 6GB/64GB variant aapko Rs 21,490 mein purchase kar sakte hain, jise company ne Rs 22,990 ki price tag ke saath announce kiya tha. Dono hi variants par Rs 1500 ki price cut ki gayi hai.

 

Phone ke basic specs ki baat karein to aapko iss phone mein 6.4 inch ki  FHD+ Super AMOLED Infinity-U display milti hai. Phone mein Octa core Exynos 9610 processor milta hai jo ki Mali G72 GPU ke saath aata hai. Samsung Galaxy A50 mein 25MP+5MP+8MP ka triple rear camera aur 25MP ka front facing camera diya gaya hai. Yeh phone in-display finger print scanner ke saath aata hai, iske alawa phone mein 4000mAh ki battery aapko milti hai jo ki fast charging ko support karti hai. Samsung India ke online web store par, Amazon.in aur Flipkart par new prices already reflect kar di gayi hain.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: