Samsung Galaxy A50 Ke Specs Leak, Triple Rear Cameras, Infinity-V display & More

Flagship smartphones Galaxy S10 series baad, Samsung ke 2019 mein kayi smartphones aane waale hain, jinmein se A-series ke smartphones ke leaks aur rumors badhte hi jaa rahe hain. Aaj jo fresh leaks hamaare saamne aaye hain, wo Galaxy A50 ke hain. Is smartphone ke frame ke kayi photos aaj 91 mobiles ke through saamne aaye hain.

Upar di gayi image, Galaxy A50 ke back panel ki hai, jismein cameras ke liye diya gaya vertical cutout nazar aa raha hai. Ye cutout thoda lamba hai, jisse ye expect kiya jaa raha hai ki Galaxy A50 mein triple rear cameras honge.

Iske alawa neeche di hui image mein aap dekh sakte hain ki ismein bhi aapko waterdrop notch milti hai, jise Samsung Infinity-V display ka naam deta hai. Isse pehle hum Galaxy M10 aur M20 mein bhi yahi display dekh chuke hain. Frame ke bottom edge par 3.5mm audio jack ka aur Type-C port ka space nazar aa raha hai.

Is upcoming smartphone mein 24 MP ka primary rear camera aur 24 MP ka selfie shooter moujood hoga. Wahin is smartphone mein 4000mAh ki battery, fast charging ke saath aa sakti hai.

Galaxy A50 ke is frame mein kahin bhi fingerprint scanner ka cutout nahin hai, yaani ki ye handset in-display fingerprint sensor ke saath aa sakta hai. Is handset ko Bluetooth SIG aur Wi-Fi Alliance bodies se certificate mil chuka hai. Saath hi ye bhi saamne aaya hai ki ye handset Exynos 9610 chipset par based hoga aur ismein 4GB ki RAM aa sakti hai.

Galaxy A50 ke alawa, Samsung ke aur bhi two smartphones ko lekar charcha hai, jo ki Galaxy A10 aur A90 hain. Maana jaa raha hai ki inmein se Galaxy A10 cheapest version hoga, jabki A90 premium features ke saath aa sakta hai.

Galaxy A-series ke ye three smartphone, Galaxy S10 series ke baad launch ho sakti hai, jise February 20 ko launch kiya jaana hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: