Samsung Galaxy A50 Announce Hua; Specs Details Revealed, India Mein Isi Week Hoga Launch

Samsung Galaxy A50 ko aaj company ne officially announce kar diya hai. Is smartphone ko next two days mein India mein launch kiya jaana hai, lekin aaj do din pehle hi company ne announcement kar di hai, jabki iski pricing details humein 28th February, 2019 ko hi pata chalengi, jab ye India mein aayega.

Samsung Galaxy A50, triple rear cameras ke saath aane waala hai, jismein 25MP ka main camera f/1.7 aperture aur LED flash light ke saath aayega, wahin 8 MP ka ultra wide angle camera, f/2.2 aperture ke saath fitted hai, jabki 5 MP ka depth sensor f/2.2 aperture ke saath moujood hai.

Saath hi is smartphone ka selfie camera bhi 25 MP ka hi hai, jo ki f/2.0 aperture ke saath aane waala hai aur waterdrop notch mein fit kiya gaya hai. Galaxy A50 mein aapko in-display fingerprint scanner bhi diya jayega.

Is handset mein 6.4 inch ki full HD+ Infinity-U Super AMOLED display hai, aur ye Octa Core Exynos 9610 10nm processor par chalta hai. Ismein aapko two storage options milne wale hain, jismein 4GB RAM ke saath 64GB ROM aur 6GB RAM ke saath 128GB inbuilt storage versions shaamil hain.

Dual SIM based Galaxy A50 mein 4000mAh ki battery fast charging support ke saath di gayi hai. Wahin ismein aapko Android 9.0 Pie OS milega. Connectivity options ki baat karein to ismein bhi dual 4G VoLTE, Wi-Fi 802.11 ac, Bluetooth 5, GPS + GLONASS, NFC, USB Type-C port aur 3.5mm audio jack shaamil hain.

Is handset mein aapko Samsung Pay, Bixby vision, Bixby Voice, Bixby home aur Bixby reminder apps bhi pre-installed milne waali hain.

India mein is handset ko isi week mein launch kiya jaana hai aur iske saath hi Galaxy A30 aur A10 bhi India mein aayenge. Usi samay in sabhi smartphones ki pricing aur specs ke saath hum aapko zaroor update karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: