Samsung Galaxy A50, A30 & A10 India Mein Launch Huye: Price 8,500 INR Se Start

Galaxy M30 ke baare mein to aap jaan hi chuke hain. Iske baad aaj India mein, Samsung ne Galaxy A-series mein apne three naye smartphones Galaxy A50, Galaxy A30 aur Galaxy A10 ko launch kiya hai. Galaxy A50 in teenon mein premium smartphone hai, jabki A10 ek entry level smartphone hai.

Samsung Galaxy A10

Samsung Galaxy A10 mein 6.2 inch ki HD+ Infinity-V display ke saath Octa Core Exynos 7884 chipset milta hai. Company ne ismein 2GB RAM ke saath 32GB ki storage di hai, jise aap additional 512GB tak expand kar sakenge.

Iske alawa Galaxy A10 mein 13 MP ka single rear camera f/1.9 aperture aur LED flash ke saath diya gaya hai. Wahin front par selfie lovers ke liye f/2.0 aperture ke saath 5 MP ka lens hai. Is handset mein 3400mAh ki battery di gayi hai.

Is smartphone ko 8,490 INR ke price tag ke saath aap March 20 se kharid sakte hain.

Samsung Galaxy A30

Ab hum baat karte hain Galaxy A30 ke baare mein, jismein aapko 6.4 inch ki full HD+ Infinity-U Super AMOLED display milti hai. Ismein aapko wahi chipset milega, jo kal launch huye Galaxy M30 mein hai, yaani ki Octa Core Exynos 7904.

Iske alawa is handset ko company ne 4GB RAM ke saath 64GB storage option mein release kiya hai. Dual rear camera ke saath aane waale is handset mein 16 MP ka primary camera f/1.7 aperture aur LED flash ke saath fitted hai. Isi ke sath 5 MP ka ultra wide angle camera bhi aapko yahaan par milta hai.  Galaxy A30 mein 16 Mp ka selfie camera hai, jo f/2.0 aperture ke saath diya gaya hai.

Is handset mein rear mounted fingerprint sensor hai, USC Type-C port hai, audio jack hai bhi hai. Saath hi fast charging support ke saath 4000mAh ki battery milti hai.

Samsung Galaxy A30 ko aap March 2 se 16,990 INR ke price par kharid sakte hain.

Samsung Galaxy A50

Is Galaxy A-series line-up mein Galaxy A50 hi ek aisa handset hai, jismein aapko triple rear camera support aur in-display fingerprint sensor diya gaya hai. 6.4-inch ki full HD+ Infinity-U display hai aur saath hi Octa Core Exynos 9610 10nm chipset hai jo Mali G72 GPU ke saath aata hai.

Saath hi Galaxy A50 mein two storage options hai – 4GB+64GB and 6GB+128GB. Ismein 25 MP ka primary camera hai jo f/1.7 aperture aur LED flash ke saath hai, secondary 8 MP ka ultra wide angle lens hai, jo f/2.2 aperture ke saath diya gaya hai aur third one 5 MP ka depth focusing snapper hai. Is handset mein selfie camera bhi 25 MP ka hi hai.

Iske alawa 4000mAh ki battery fast charging support ke saath di hai aur Type-C port moujood hai.

Galaxy A50 ka 4GB+64GB storage version 19,990 INR ke price par launch kiya hai, jabki 6GB+128GB variant ko aap 22,990 INR mein 2nd March se kharid sakte hain.

In sabhi smartphones mein Android 9.0 Pie OS based One UI di gayi hai. Saath hi ye teenon smartphones dual SIM support ke saath launch kiye gaye hain. A30 aur A50 mein aapko Super AMOLED display panel milta hai, jo ki A10 mein nahin hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: