Samsung Galaxy A41 Ke Specs Geekbench Par Huye Leak

Samsung kaafi tezi se apni Galaxy A-series ko expand kar raha hai. Company ne haal hi mein India mein Galaxy A51 ko launch kiya hai, jiske kuch hi samay baad aaj Galaxy A41 ko bhi Geekbench benchmarking site par spot kiya gaya jahaan se iske kuch specs bhi saamne aaye hain.

Samsung Galaxy A41 ko model number SM-A415F ke saath Geekbench par dekha gaya, jahaan se pata chala ki is handset mein company MediaTek ka chipset dene waali hai. Scores ki baat karein to is smartphone ka single core score 1684 points hai, jabki multi core score 5,403 points hai.

Is smartphone ko power dene ke liye Octa Core 1.70 GHz MediaTek Helio P65 chipset ka use kiya gaya hai, jiske saath aapko 4GB ki RAM milegi. Software aapko ismein latest milne waala hai. Ismein Android 10 OS ke saath Samsung ka custom One UI 2.0 diya jayega.

Ye smartphone last year launch huye Galaxy A40 ka successor hoga. Rumors ke according ismein triple rear cameras hain, jinmein 48MP primary sensor hai. Saath hi ismein front par bhi aapko 32MP nahin, balki 25MP ka selfie shooter mil sakta hai.  Is handset ki battery capacity 3500mAh hogi, lekin fast charging hogi ya nahin, ye confirm nahin hai.

Iske alawa other specifications jaise ki display, storage options, etc. ki abhi koi information nahin hai.  

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: