Samsung Ne A-series Mein Galaxy A40 Launch Kiya, Mid-range Price & 25MP Selfie Camera Ke Saath April Mein Hoga Available

Samsung Galaxy A40 ko kal tak European online website par dekha jaa raha tha jahaan yeh phone sabhi specifications ke saath listed tha. Lekin company ne aaj iss phone ko Netherlands mein launch kar diya hai. Iss phone ka global launch 10th April ko expect kiya jaa raha hai. Iss phone mein aapko Black, Blue, White aur Orange color ke options milte hain. Yeh phone Belsimpel.nl. naam ki Dutch website par pre-order ke liye available hai.

Galaxy A40 mein 5.9 inch ki super AMOLED FHD+ display milti hai, jiska screen aspect ratio 19:9 hai. Iss phone mein Exynos 7885 chipset diya gaya hai. Yeh phone 4GB RAM aur 64GB ki in-built storage ke saath aata hai, aur ise microSD card ki help se 512GB tak expand ki jaa sakti hai.

Samsung Galaxy A40 Android 9.0 Pie based Samsung One UI ke saath aata hai. Phone mein 3100mAh ki battery di gayi hai. Photography ke liye aapko iss phone mein dual rear camera setup aur single front camera milta hai. Rear panel par 16MP ka primary camera aur 5MP ka ultra wide angle secondary camera milta hai. Wahin selfie camera 25MP ka diya gaya hai.

Samsung Galaxy A40 With 19:9 Infinity-U Display, Dual Rear Cameras Goes Up for Pre-Orders: Price, Specifications

Iske alawa phone ke rear panel par finger print scanner ka option bhi milta hai. Yeh phone 4G VOLTE support ke saath aata hai. Iske alawa Wi-Fi 802.11 b/g/n, Bluetooth, GPS, NFC, GLONASS ka option bhi milta hain. Saath hi audio output ke liye aapko iss phone mein 3.5mm headphone jack bhi diya gaya hai. Charging ke liye iss phone mein USB type -c port milta hai.

 

Listed website par iss phone ki price €249 (Rs 19,520 approx.) batayi gayi hai. Expect kiya jaa raha hai ki yeh phone 10th April se sale ke liye available ho jaaega.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: