Samsung Galaxy A30s & A50s Triple Rear Camera & AMOLED Displays Ke Saath Announce Huye

Samsung Galaxy A30s & A50s ke rumors to aap aur hum kaafi samay se dekh rahe hain. Lekin aaj company ne in smartphones ko finally announce kar diya hai. To aaiye jaante hain ki kaise improved features ke saath ye naye smartphones market mein aaye hain.

Samsung Galaxy A30s

Samsung Galaxy A30s mein 6.4-inch ki HD+ Infinity-V Super AMOLED display hai aur power dene ke liye ismein Octa Core Exynos 7904 chipset hai. Is handset mein 25MP + 8MP + 5 MP camera setup hai. Ismein primary camera f/1.7 aperture ke saath, ultra wide angle lens aur depth sensor moujood hai.

Wahin 16MP ka front facing shooter hai, 15W fast charging ke saath 4000mAh ki battery hai aur dual SIM slots diye gaye hain. Galaxy A30s mein 3GB RAM aur 4GB RAM ke saath 32GB / 64GB / 128GB storage options available honge.

Samsung Galaxy A50s

Samsung Galaxy Galaxy A50s mein 6.4 inch ki hi display hai, lekin yahaan full HD+ Infinity-U Super AMOLED display di gayi hai. Saath hi Exynos 9610 10nm processor hai. Ismein bhi triple rear camera hi diye gaye hain. 48MP rear camera LED flash light, f/2.0 aperture ke saath, 8 MP ultra wide angle lens f/2.2 aperture ke saath aur third 5 MP ka depth sensor hai.

Galaxy A50s mein front par bhi aapko trending 32MP ka selfie camera mil jaata hai. Ismein bhi 4000mAh ki hi battery 15W fast charging ke saath di gayi hai. Ismein aapko 4GB RAM ke saath 64GB storage variant aur 6GB RAM ke saath 128GB storage variant milta hai.

In dono smartphones mein dual SIM slots hai, Android 9.0 Pie OS ke saath One UI diya gaya hai. Connectivity features mein bhi Dual 4G VoLTE, Wi-Fi 802.11 ac, Bluetooth 5.0, GPS / GLONASS aur USB Type-C port diye gaye hain.

Specs to humne discuss kar liye hain, lekin company ne abhi inki pricing details mention nahin ki hai. Inke colors hum aapko bata dete hain, ye dono handsets Prism Crush Black, Prism Crush White, Prism Crush Green aur Prism Crush Violet mein available honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: