Samsung Galaxy A30 Ka Red Color Variant Kal Hoga India Mein Launch, Jaane Specifications Aur Price

Last month Samsung ne A series ke 3 smartphones ko India mein launch kiya tha jismein A10, A30 aur A50 shaamil the. Launch ke time company ne bataya tha ki Samsung Galaxy A30 Black, Blue aur Red color option mein available hoga. Black aur Blue color ko company ne launch ke time par hi market mein utaar diya tha lekin kal 2nd April ko company iss phone ke Red color variant ko bhi launch karegi. Iss phone ke red color variant ko Reliance Digital ki official website par dekha gaya hai saath hi phone ki price ko bhi mention kiya gaya hai.

 

 

Samsung Galaxy A30 company ka ek mid range phone hai. Iss phone mein 6.4 inch ki FHD+ infinity-U super AMOLED display milti hai. Phone mein Exynos 7904 Octa core processor diya gaya hai saath hi Mali-G71 GPU bhi iss phone mein milta hai. Phone mein rear panel par finger print scanner ka option bhi diya gaya hai. Galaxy A30 single storage option mein aata hai jahaan aapko 4GB RAM ke saath 64GB internal storage dekhne ko milti hai.

 

Phone ke rear panel par dual rear camera setup diya gaya hai. Primary camera 16MP ka aur secondary camera 5MP  ka milta hai jo ultra wide angle lens ke saath aata hai. Samsung Galaxy A30 mein front camera bhi 16MP ka diya gaya hai. Iss phone mein 4000mAh ki battery di gayi hai jo ki fast charging support ke saath aati hai. Charging ke iss phone mein USB type-C port milta hai.

 

Website par mention ki gayi price mein yeh phone Rs 16,990 mein list kiya gaya hai. Haalanki iss phone ka Red color variant offline market mein sale ke liye available hoga ya nahi, iss baat ki company ne koi update nahi di hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: