Samsung Galaxy A30 Bhi Announce Hua; Specs & Color Variants Saamne Aaye

Samsung Galaxy A50 ke saath hi company ne Galaxy A30 ko bhi announce kar diya hai. Ye smartphone India mein launch hone waale Galaxy A line-up mein bhi shaamil hoga. Blac, White aur Blue colors mein available hone waale is handset ki price bhi humein Febryary 28 ko India launch ke samay hi pata chal sakegi.

Samsung Galaxy A30 mein 6.4 inch ki full HD+ Infinity-U Super AMOLED display milti hai, saath hi ise Octa Core Exynos 7870 14nm processor ke saath launch kiya gaya hai. Galaxy A50 ki hi tarah, Galaxy A30 ko bhi 3GB+32GB version aur 4GB+64GB variant mein launch kiya gaya hai.

Is handset mein aapko dual rear cameras milte hain, jinmein 16 MP ka primary rear camera f/1.7 aperture aur LED flash light ke saath hai, jabki secondary 5 MP ka camera ultra wide angle lens hai. Wahin 16 MP ka front camera, f/2.0 aperture ke saath yahaan waterdrop notch mein fit kiya gaya hai.

Jahaan Galaxy A50 mein in-display fingerprint sensor hai, wahin A30 mein rear mounted fingerprint reader diya gaya hai. Is handset ki battery capacity bhi 4000mAh ki hai, jo fast charging support ke saath aane waali hai. Dual SIM support ke saath ismein aapko dual 4G VoLTE connectivity bhi mil rahi hai.

Iske alawa Galaxy A30 mein Android 9.0 Pie software diya gaya hai, jiska result aap kaafi phones mein dekh ya sun chuke honge. Dedicated microSD card slot bhi aapko yahaan par milta hai, jiske through 512GB tak expansion kiya jaa sakta hai.

Galaxy A30 isi week India mein launch kiya jaana hai, jabki is smartphone ki sale mid of March se start hogi. Pricing details ko lekar abhi koi khabar saamne nahin aayi hai, lekin launch par iski price ke saath hum aapko zaroor update karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: