Samsung Galaxy A2 Core Smartphone India Mein Hua Launch, Xiaomi Redmi Go Ko Sakta Takkar

Samsung ne aaj India mein Samsung J2 Core ke successor smartphone Samsung Galaxy A2 core ko launch kar diya hai. Yeh phone Android Go Edition ke saath aata hai. Kaafi leaks ke baad ab finally yeh phone apni sabhi specs aur features ke saath huamre saamne aa chuka hai. Iss phone ko Redmi Go ka ek acha competitor bataya jaa raha hai.

Samsung Galaxy A2 Core mein 5 inch ki qHD TFT display di gayi hai. Phone mein 1.6 GHz ka Octa core Exynos 7870 processor diya gaya hai jo Mali T830 GPU ke saath aata hai. Yeh phone single storage option mein aata hai jismein aapko 1GB RAM ke saath 16GB internal storage milti hai. Saath hi yeh phone 256GB tak ke microSD card ko bhi support kar sakta hai.

Phone mein front aur rear camera dono hi 5MP ka milta hai. Rear camera ke saath LED flash diya gaya hai. Yeh phone Android 9 pie Go Edition ke saath aata hai. Samsung Galaxy A2 Core mein dual Sim support ka option milta hai. Phone mein 4G VOLTE, Wi-Fi b/g/n aur Bluetooth LE jaise connectivity option bhi mil jaate hain. Saath hi iss phone mein 2600mAh ki battery di gayi hai.

Company ne iss phone ko Black aur White 2 color variants mein announce kiya hai jahaan Indian market mein iski price Rs 5,290 rakhi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: