Samsung Galaxy A11, A31 Aur A41 Jaldi Hi Honge Launch

2019 year khatm hone ko hai aur is year mein Samsung ne apne A-series ke kayi smartphones ko aggressive prices aur amazing specifications ke saath launch kiya hai. Aur aaj ki taaza khabar ye hai ki Samsung next year mein jaldi hi nayi A-series line up Galaxy A11, A31 & A41 launch karne ki planning kar raha hai.

Ye khabar Popular Tipster Ishan Agarwal ne apne Twitter handle par share ki hai ki Samsung naye three smartphones par kaam kar raha hai hai, jinke naam Galaxy A11, Galaxy A31 aur Galaxy A41 hain. Filhaal is handsets ke specs ke baare mein koi khaas jaankari nahin hai, lekin bataaya jaa raha hai ki ye sabhi apne predecessors ke mukaable jyada internal storage ke saath aane waale hain.

Inmein base model Galaxy A11 mein bhi aapko 64GB internal memory milegi aur usse upar mein 128GB storage expected hai. Wahin reports ye bhi kehti hain ki iske alawa company A-series mein hi mid-range lineup bhi announce karne waali hai jismein Galaxy A51, A71 aur Galaxy A81 ke naam shaamil hain.

ALSO READ: Samsung Galaxy A71 Ke Images & Specs Leak Huye, Jaldi Hi Hoga Launch

Is list mein sabse pehle launch hone waale smartphone ka naam Galaxy A51 hai, jiske kuch specs reveal bhi ho chuke hain. Ismein 6.5 inch ki AMOLED display, Exynos 9611 processor, 4GB RAM ke saath 64GB / 128GB storage aane ke rumors saamne aaye hain.

Galaxy A51 mein quad rear cameras aane ki khabarein hai, jinmein primary lens 48MP resolution ke saath aayega.  Well, ab khabar saamne aayi hai, to inke leaks bhi jaldi hi saamne aayenge.  

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: