Samsung Budget Phone Galaxy A10s Ke Leaks Specs Aaye Saamne

Samsung ne iss saal ki shuruaat mein, Samsung Galaxy A10 smartphone ko launch kiya tha. Yeh ek budget smartphone hai. Iss phone ke sub-variant A10s ke launch ki leaks bhi kaafi samay se humare saamne aa rahi hain. Last month iss phone ko FCC certification website par dekha gaya tha, jahaan iss phone ke specs ke baare mein kuch jaankari di gayi thi. Iss se pehle maana jaa raha tha ki iss phone ko Samsung Galaxy M40 ke saath launch kiya jaa sakta hai, lekin aisa nahi hua tha.

FCC certification website par iss phone ka model number SMA107F  mention kiya gaya tha. Haal hi mein tipster Ishaan Agrawal ne apne twitter handle par bataya hai, ki iss phone mein dual rear camera setup dekhne ko mil sakta hai jo ki 13MP+2MP ka ho sakta hai. Iske alawa front facing camera 8MP ka diya jaa sakta hai. Issi ke saath saath yeh phone 4000mAh ki battery aur rear mounted finger print scanner ke saath launch kiya jaa sakta hai.

Saath hi  phone mein 2GHz Octa-Core processor bhi dekhne ko mil sakta hai, haalanki yeh kaun sa processor hoga, iss baat ki koi jaankari nahi di gayi hai. Geekbench listing mein Universal 7885 ko mention kiya gaya hai. Expect kiya jaa raha hai ki iss phone mein Exynos 7885 chipset diya jaa sakta hai. Company ne Samsung Galaxy A10 mein Exynos 7884 chispet ka use kiya tha.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: