Samsung Galaxy A10 Hoga, Samsung Ka In-Display Fingerprint Sensor Ke Saath Aane Wala Pehla Smartphone

Vivo, Oppo, aur OnePlus jaise sabhi leading smartphone makers ne in-display fingerprint sensor ke saath apne flagship aur mid-range smartphones launch kiye hain. Lekin most popular maker, Samsung ki taraf se is technology ke saath abhi tak koi smartphone nahin aaya hai.

Lekin ab Samsung ki taraf se bhi is technique ke saath aapko jaldi hi latest smartphone dekhne ko milega, jiska naam Galaxy A10 hai. Is upcoming smartphone ko lekar jo leaks saamne aaye hain, unke according ye phone Qualcomm Snapdragon 845 chipset ke saath aane wala hai.

Ek Chinese leakster ke according, Galaxy A10 ko Twitter par in-display fingerprint sensor ke saath dekha gaya hai. Saath hi GSM Arena ki reports ke according bhi ye khabar aa chuki hai ki Samsung ek Galaxy A series ke smartphone par kaam kar raha hai, jismein aapko Snapdragon 845 chipset milne wala hai aur ye handset early 2019 mein launch kiya jayega.

Isi ke saath Galaxy A ke alawa expect ye bhi kiya jaa raha hai ki Galaxy S10 series mein bhi aapko in-display fingerprint scanner milega, lekin ye flagship smartphones MWC 2019 mein launch honge, jabki Galaxy A10 ko company January 2019 mein launch kar sakti hai.

Iske alawa is smartphone ke baare mein aur koi khabar leak nahin hui hai, lekin lagta hai ki is khabar ke saath ab leaks ka silsila shuru ho jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: