Samsung Galaxy A Series Ke Baad Samsung Ne Fir Sale Kiye M Series Smartphones Ki Itni Million Units

May month ke shuruaat mein Samsung ne announce kiya tha ki company abhi tak 5 Million Galaxy A series smartphones ko sale kar chuki hai. A series ki shruraat India mein February se huyi thi. Issi ke saath company ne M series smartphones ko bhi budget range mein launch kiya tha, jise Indian market mein kaafi pasand bhi kiya gaya hai. Samsung Galaxy M series mein abhi tak 3 smartphones, Galaxy M10, M20 aur M30 ko launch kiya jaa chuka hai.

 

Image result for samsung galaxy m series smartphones

Samsung India Mobile Business ke SVP ne bataya ki company abhi M series smartphones ki 2 Million units ko sale kar chuki hai, jo ki ke ek bada number hai. Unhone yeh bhi bataya ki company ka main aim online market mein headset industry ka 25% share maintain karna hai. Abhi tak  M Series smartphones Indian smartphone market mein apni pakad banaye huye hain.

 

Issi M series mein company ek aur smartphone Samsung Galaxy M40 ko add karne wali hai, jise India mein 11th June ko launch kiya jaayega. Iss phone ki teaser image already Amazon par dekhi jaa sakti hai. Iss phone mein humein punch hole selfie camera dekhne ko milega, saath hi rear panel par triple  camera setup diya jaayega. Rumors ke according iss phone ki price Rs 20,000 ke lagbhga rakhi jaa sakti hai.  Saath hi rear panel par finger print scanner bhi milega. Haal hi mein company ne yeh bhi mention kiya hai ki iss phone mein Snapdragon 6 series processor diya jaayega. Expect kiya jaa raha hai ki wah Snapdragon 675 processor ho sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: