Samsung Chipset Ke Saath Aane Waale First Motorola Phone Moto One Vision Ke Specs Aur Images Leak Huye

Jahaan Motorola apna latest smartphone G7 India mein launch karne waala hai, wahin company doosri taraf ek aur naye smartphone par kaam kar rahi hai. Motorola ke is upcoming smartphone ka naam Moto One Vision bataaya jaa raha hai aur iski do khaas baatein hain. Pehli khaas cheez ye hai ki ye Moto ki taraf aane wala first in-display camera wala smartphone hoga aur doosri ye ki ismein Samsung ke chipset ka istemaal kiya jaa raha hai.

Moto One Power ke baad aane waale is smartphone Moto One Vision mein bhi stock Android hoga yaani ki ye Android One smartphone hoga. Saath hi first time Moto ke kisi smartphone mein Samsung ke Exynos chipset ka use kiya jayega. Is smartphone mein Octa Core Exynos 9610 processor hoga, jiske four Cortex A73 cores ki clock speed 2.3 GHz hai aur other four Cortex A53 cores ki speed 1.6 GHz.

Saamne aaye leaks ke according, Moto One Vision mein 3GB RAM ke saath 32GB storage aur 4GB RAM ke saath 64GB / 128GB storage options honge. Is handset mein 3500mAh ki battery moujood hogi. Halaanki display ka size pata nahi hai, lekin company yahaan 21:9 aspect ratio ke saath full HD+ display dene waali hai.

Moto One Vision mein punch-hole selfie camera hoga aur rear panel par aapko dual rear cameras ke saath rear mounted fingerprint sensor bhi dekhne ko milega. Saath hi ismein main rear camera 48 MP ka ho sakta hai. Samsung ke spokesperson ke according Exynos 9610 multi-fame image processing handle kar sakta hai. Saath hi Moto camera features mein two new features bhi add kar sakta hai, jinmein Video 3D HDR, aur Long Exposure shaamil hain.

Maana jaa raha hai ki is smartphone ko company Moto P40 ke naam se China mein jaldi hi launch kar sakti hai.  Iske baad ise Moto One Vision ke naam se India aur other countries mein launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: