Cricket Fans Ke Liye Sachin Tendulkar Ne Launch Kiya Sachin Saga VR Headset; 3000 Games Ke Saath, Entry-level Price Par Available

India ke God Of Cricket kahe jaane wale Cricket player Sachin Tendulkar ne kal ek multiplayer virtual reality gaming headset launch kiya hai. New Delhi mein JetSynthesys dwara organised ek event India Gaming Show (IGS) mein iss gaming VR headet ko Sachin Tendulkar ne khud launch kiya. Cricket ke chahne wale logon ke liye yeh event rakha gaya tha jahan cricket aur Sachin ke fans ne iss event ko attend kiya. Jahan kuch random fans ko Sachin Tendulkar ke dwara sign kiye gaye Sachin Saga VR bhi diye gaye the.

 

 

Saga VR aapko real field mein khelne jaisa feel deta hai. Iss game mein batsman ball ko 150 Km/hr ki speed se revert kar sakte hain, jis se wah next player ke reflex ki ek estimate value nikal sakte hain. Iske alawa cricket ground (Pitch), wicket keeper aur accessories bhi aapko real field ka anubhav karati hain.

Iss gaming VR ko high-end graphics ke saath design kiya gya hai. Yeh game aapko Sachin Tendulkar ki real time shadow experience karne ka mouka deta hai. Wahin aap iss game mein 28 tarah ke  cricketing shots ke saath play kar sakte ho. Yeh game aapke gaming experience ko enhance karne ke alawa aapko game mein expert banane aur game ko behtar samjhne mein bhi help karta hai. Yeh Sachin Saga VR headset 3000 games, videos, education aur exploration apps ke saath aata hai.

Sachin ne khud bhi VR headset ke saath khel kar sabhi ko iske experience ke baare mein bataya aur kaha ki yeh ek long time gaming gadget hai. Sachin ne kaha ki yeh cricket game player ka sabse favourite gadget hone wala hai. Iss Sachin Saga VR headset ki price Rs 1,499 rakhi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: