Sabse Pehle India Mein Launch Honge OnePlus TV, Company Ke CEO Ne Kiya Confirm

Last Week hi OnePlus ne apne upcoming TV ka naam aur logo announce kiya tha. Issi ke saath yeh news bhi saamne aayi thi ki company September  mein apne TV ko launch kar sakti hai. Tuesday ko company ne apne blog post mein iss launch se judi jaankari share ki hai. OnePlus TV ke launch ko le kar Amazon.in par Notify Me page live kar diya gaya hai.

Company ne bataya ki wah OnePlus TV ko sabse pehle Indian market mein launch karegi. Indian market ke baad iss TV ko China, Europe aur North America ke market mein laaya jaayega. Company ke CEO ne kaha ki iss TV ko launch karne ke peeche humari ‘Never Settle’ spirit aur team ka hard work include hai. Humne OnePlus TV ke liye excellent foundation ko built up kiya hai.

OnePlus ke CEO Pete Leu ne kaha ki OnePlus TV ko na sirf smart home ko dhayan mein rakh kar utara jaayega balki daily smart social hub ke liye bhi yeh ek acha center banega. Issi ke saath bhadti huyi advance technology mein OnePlus TV ek important product hone wala hai, jo ki IOT aur inter connectivity ke liye jaruri step hai. Iss technology mein AI, VR, AR aur 5G technology include hain.

Company inn TVs ko 43 inch, 55 inch, 65 inch aur 75 inch mein launch kar sakti hai jo ki 4K LED panel ke saath launch kiye jaa sakte hain. OnePlus TV ki exact launch date abhi tak reveal nahi ki gayi hai. Expect kiya jaa raha hai ki company apne TV ke liye content providers ke saath tie up karegi, jaise ki Xiaomi ne Mi TV ke saath patchwall interface ke liye kiya tha.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: