Sabse Pehle India Mein Launch Hoga Oppo Reno 2, Saamne Aayi Launch Date

May month mein Oppo ne India mein Reno series smartphones ko launch kiya tha. Ismein Oppo Reno aur Oppo Reno 10X Lossless Zoom phones include the. Ab company iss series ke third phone ko launch karne ki taiyari kar rahi hai. Oppo ne tweet karke Oppo Reno 2 ke launch ko confirm kiya hai, jahaan iss phone ki launch date 28th August batayi gayi hai. Iske alawa launch event ke liye media invites bhi send hona shuru ho chuke hain.

Release kiye gaye poster mein phone ke rear panel par quad camera setup dekhne ko mil raha hai. Isi ke saath company ne yeh bhi mention kiya hai ki iss phone mein 20X zoom dekhne ko milega. Iss phone mein bhi humein shark fin rising front facing camera dekhne ko milega, jaisa ki Oppo Reno mein mila tha. Iss sab ke beech khaas baat yeh hai ki yeh Oppo Reno 2 sabse pehle India mein launch kiya jaane wala hai.

Iss phone ke specs leaks mein bataya gaya tha ki yeh phone Snapdragon 710 chipset ke saath launch kiya jaa sakta hai. Saath hi iss phone mein humein 6.43 inch ki AMOLED display dekhne ko mil sakti hai. Iske alawa yeh phone 4065mAh ki battery ke saath aa sakta hai. Well, company iss phone ko kitne storage variants mein launch karegi, iski koi jaankari nahi di gayi hai.. Lekin aapko bata dein ki Oppo Reno ko India mein single storage variant ke saath hi introduce kiya gaya tha. Oppo Reno 2 ke camera ko dikhane ke liye company ne ek video release kiya hai, jismein camera stabilization kaafi bhadiya dekhne ko mil raha hai. Iss se ummid ki jaa sakti hai ki, iss phone mein ka camera kaafi bhadiya hone wala hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: