Ye Hai Sabse Jyada Radiation Emitting (Failaane) Waale Top 10 Smartphones Ki List, Xiaomi Mi A1 Top Par

Smartphone humari life ka ek jaruri hissa bante jaa rahe hain. Smartphone na sirf life ko easy banane mein help karte hain balki new technology se less yeh smartphone aaj kal kayi cases mein life saver bhi saabit huye hain. Lekin kya waakayi mein yeh sirf life saver hain? Kuch samay pehle release huyi movie Robot 2.0 mein smartphone se hone wale nuksaan ko dikhaya gaya tha, jahan movie ka main concern smartphone se release hone wali radiation thi. Issi radiation ko le kar haal hi mein kuch reports saamne aayi hain, jo ki shock karne wali hain. The German Federal Of Radiation Protection ne yeh reports jaari ki hain jismein sabse jyada aur sabse kam radiation release karne wale smartphone included hain.

Agar aap yeh soch rahe hai ki aap ek high-end, flagship smartphone use kar rahe hain to aapka smartphone heavy radiation release na karta ho, to aap galat hain. Iss report mein include hone wale jyadatar phones high-end aur flagship phones hi hai aur ismein OnePlus, iPhone aur Xiaomi ke saath saath Google Pixel  ke phones bhi included hain. Ye list aap neeche dekh sakte hain.

Inn sabhi smartphone se emit hone wale radiation data ko watts/Kilogram mein calculate kiya jaata hai. Iss list mein sabse jyada radiation release karne wala smartphone Xiaomi Mi A1 hai. Haalanki yeh smartphone ab India mein discontinue kar diya gaya hai. Yeh smartphone 1.75 Watt/Kilogram ki radiation ko emit karta hai.

Neeche di gayi list unn sabhi smartphones ki hai jo sabse jyada radiation out karte hain.

image Credit: Statista

Least radiation release karne wale smartphones ki list mein top smartphone brand Samsung hai aur saath hi is list mein jyadatar smartphones bhi Samsung ke hi hain. Jahan iss report mein bataya gaya hai ki Samsung ke mid range smartphone aur high-end smartphone dono hi bahut kam radiation failaate hain. Iske alawa Motorola, ZTE aur LG ke kuch smartphones bhi iss list include kiya gaye hain, jinhein aap neeche dekh sakte hain.

ALSO READ: Delhi Child Rights Body Ne Kaha, Online Games Hain Bachhon Ke liye Harmful

Image Credit: Statista

Samsung ka koi bhi smartphone sabse jyada radiation release karne wale devices ki list mein include nahi hai. Lekin iphone aur OnePlus ke kaafi phones most emitting radiation smartphones ki list mein shaamil kiye gaye hain. Iske alawa Google Pixel series ke latest smartphones Google Pixel 3 aur Google Pixel 3 XL ko bhi iss list mein include kiya gaya hai.

Smartphone se release hone wali radiation na sirf humare environment ke liye harmful hai, balki human body ke liye bhi kaafi harmful hoti hai, Jahan kuch researches mein bataya gaya hai ki smartphones se release hone wala yeh radiation kaafi tarah ke cancer ka reason banta jaa raha hai, wahin yeh brain tumour ka bhi ek main cause ban chuka hai. Isliye koshish karein ki smartphone par jyada long duration tak baat na karein, aur agar jaruri hai to earphones ka use karein.

ALSO READ: Most Awaited Smartphones Of 2019 : Aapko Kaun Se Smartphone Ka Intezaar Hai ?

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: