Honor 10i, Triple Rear Cameras Aur 32MP Front Camera Ke Saath Launch Hua

Huawei ke sub-brand Honor ne bina kisi huge announcement ke ek aur phone Honor 10i ko launch kar diya hai. Company ki according yeh ek mid range phone hai, jise abhi sirf Russian market mein announce kiya gaya hai. Phone ki highlight mein iska camera hai. Yeh phone vibrant gradient colors mein aata hai.

Honor 10i mein 6.21 inch ki FHD+ 2.5D curved glass screen milti hai jiska screen aspect ratio 19:5:9 hai. Ismein 2.5D curved glass display use kiya gaya hai. Honor 10i phone mein Kirin 710 processor use kiya gaya hai jo ki ARM Mali-G51 MP4 GPU ke saath aata hai. Iss phone mein 4GB RAM aur 128GB internal storage milti hai. Yeh phone expandable memory ke saath aata hai jiski capacity 512GB hai. Iss phone mein 3400mAh ki battery di gayi hai.

Honor 10i mein triple rear cameras setup diya gaya hai jismein primary camera 24MP ka, secondary camera 2MP ka aur third camera 8MP ka hai jo ki ultra wide angle lens ke saath aata hai. Saath hi front camera 32MP ka milta hai. Phone ke rear panel par finger print scanner ka option bhi aapko iss phone mein mil jaata hai. Iss phone mein EMUI 9.0 based Android 9.0 Pie OS milta hai.

Connectivity ke liye iss phone mein dual 4G VOLTE, Wi-Fi, Bluetooth, GPS, NFC, GLONASS ka support diya gaya hai. Iss phone ko Mid night Black, Gradient Blue aur Gradient Red color mein launch kiya gaya hai. Russian market mein iss phone ki sale jaldi hi shuru ki jaayegi,haalanki company ne iss phone ki price abhi disclose nahi ki hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: