Xiaomi CEO Lei Jun Ke Haath Mein Dikha Naya Smartphone – Aa Sakta Hai Mi 8 Ka Ek Aur Variant- Mi 8X

Xiaomi ka is saal ka flagship edition raha hai Mi 8, jo ki three variants mein launch kiya gaya. Lekin rumor mills mein is smartphone ke fourth edition ki bhi khabarein aane lagi hain. Mi 8 jismein fingerprint scanner back par hai, Mi 8 Explorer jo transparent back aur under-display fingerprint scanner ke saath launch hua aur Mi 8 SE jismein mid-range chipset Snapdragon 710 processor hai.

Ek leakster ke through, Weibo par post ki gayi images ke according, Xiaomi, Mi 8 ka ek aur version jaldi hi launch kar sakti hai. Is smartphone ka naam Mi 8X ho sakta hai, jo Mi 8 ke standard version jaisa hi hoga jo white color ke rear panel ke saath launch hua tha.

Weibo par jis unknown smartphone ki tasveer post ki gayi hai wo Xiaomi ke CEO ke haath mein dikh raha hai. Halaanki ye Mi 8 ke standard version jaisa hi hai jiske edges curved hain aur camera bhi horizonatally fit kiya gaya hai, lekin ismein rear mounted fingerprint scanner nazar nahin aa raha. Isiliye ye rumors aa rahe hain ki ye Mi 8X bhi ho sakta hai.

Isi tasveer ke adhaar par ye rumor aa rahe hain ki ye Mi 8 ka naya version Mi 8X ho sakta hai, jismein fingerprint scanner, under-display diya ho. Lekin ye kewal ek rumor hai aur ye bhi expect kiya jaa raha hai ki ye photoshop ki gayi tasveer bhi ho sakti hai, ya Mi MIX 2s bhi ho sakta hai, ya waakyi mein Mi 8 ka naya version ?

Filhaal to, Mi 8 ka koi naya version Mi 8X, kisi certification site par ya kisi leaked image ya video mein nazar nahin aaya hai. Lekin agar ye khabar sahi hai, to aane waale kuch hi dinon mein is smartphone se jude aur bhi rumors hamaare saamne aa hi jayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: