Rotating Dual Display Aur Snapdragon 855 Ke Saath Announce Hua LG G8X ThinQ/ LG V50s ThinQ

LG ne aaj Berlin mein chal rahe IFA 2019 event mein apne latest smartphone LG G8X ThinQ/V50S ThinQ 5G ko announce kar diya hai. Phone apni dual screen ko le kar highlight mein bana hua hai. Khaas baat yeh hai ki phone ki secondary display detach ki jaa sakti hai. Yeh pehla phone nahi hai jise company ne dual display ke saath launch kiya hai, iss se pehle bhi company LG V50 ThinQ ko dual display ke saath launch kar chuki hai. 

LG G8X ThinQ/V50S ThinQ 5G  mein 6.4 inch ki full HD+ full vision OLED display ka use kiya gaya hai. Iske alawa 2.1 inch ki monocrome cover display aapko ismein milti hai, jismein aap notifications, battery, time, date ko check kar sakte hain. Phone ki display ko 360° rotate ki jaa sakti hai, iske alawa alag alag angle par bhi phone ki screen ko ek laptop ki tarah use kiya jaa sakta hai. Iss phone mein aapko Octa-Core Qualcomm Snapdragon 855 7nm mobile platfrom processor milta hai jo ki Adreno 640 GPU ke saath aata hai. Phone mein Android Pie operating system diya gaya hai ki jo pehle ke compare mein jyada clean aur user friendly interface ke saath aata hai.

Also Read : LG G8 ThinQ Phone Launched 

Iss phone mein aapko dual rear camera setup milta hai jismein primary camera 12MP (f/1.8 aperture) ka aur secondary 13MP (f/2.4 aperture) ka 136° super wide angle lens ke saath diya gaya hai. Phone ka front camera 32MP (f/1.9 aperture) ka milta hai. Phone ke rear camera se aap 4K resolution mein time lapse video record kar sakte hain, isi ke saath LG steady cam aapko stable footage provide karne mein help karta hai.

Phone mein aapko in-display finger print scanner ka support diya gaya hai. Iske alawa behtar sound output ke liye aapko phone mein 1.2W ke do speakers diye gaye hain jo ki Meridian Audio ke through 32-bit Hi-Fi Quad DAC audio produce karte hain. Phone ko MIL-STD 810G certified, water resistant aur dust resistant banaya gaya hai. Yeh phone 4000mAh ki battery ke saath aata hai jismein aapko Qualcomm Quick Charge 3.0 ka support milta hai.

Connectivity ke liye aapko phone mein 4G VoLTE, dual band Wi-Fi 802.11 ac , Bluetooth 5 LE, GPS, NFC ka support mil jaata hai. Phone ko company ne 6GB RAM aur 128GB internal storage ke saath launch kiya hai. Iske alawa aapko V50S ThinQ 5G mein aapko 8GB RAM ke saath 256GB internal storage dekhne ko milegi. Company Korea mein V50S ThinQ ko 5G support ke saath aur LG G8X ThinQ ko 4G support ke saath market mein le kar aayegi. Phone ki price aur availability ko le kar company ne abhi koi official announcement nahi ki hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: