Rotating Camera Aur 48MP Lens Ke Saath Launch Hua Samsung Galaxy A80

Long time rumors ke baad finally aaj Samsung ka smartphone Samsung Galaxy A80 Europe mein launch kar diya gaya hai. Phone ke rumors mein already yeh news aa rahi thi ki yeh smartphone rotating camera ke saath launch kiya jaa sakta hai aur aisa hi hua bhi hai. Halaanki Galaxy A90 ko lekar bhi kuch aise hi rumors aaye hain. Samsung ne iss phone mein triple rear cameras to diye hi hain saath hi yeh cameras rotating feature ke saath bhi aate hain. Jo ki selfie ke time par pop-up ho kar rotate ho jaate hain. Iske alawa phone ko premium look bhi diya gaya hai jo ki metal edges ke saath aata hai.

Iske alawa Samsung Galaxy A80 smartphone ko new color variants mein bhi announce kiya gaya hai, jo ki glass back panel ke saath aata hai. New launch color option mein aapko iss phone mein Angel Gold, Ghost White aur Phantom Black color dekhne ko milenge. Inn colors ke saath aane wala glass panel light direction aur reflection ke time different look provide karta hai. Reflection ke time par Angel Gold color variant mein thoda pink tint aur Ghost White color mein thoda Blue tint dekhne ko milta hai, jo ki baaki smartphone se ise alag banata hai.

Ab baat karte hain Samsung Galaxy A80 mein diye gaye hardware ki to ismeinn sabse pehle aapko dekhne ko milti hain 6.7 inch ki full HD+ new infinity-U Super AMOLED display, jiska screen aspect ratio 20:9 diya gaya hai. Iss phone mein Qualcomm ka latest chipset Octa core Snapdragon 730G use kiya gaya hai jise Qualcomm ne aaj hi announce kiya hai. Yeh processor premium handsets mein use kiya jaaega, jaisa ki company ne bataya tha. Saath hi ismein Adreno 618 GPU bhi diya gaya hai jo ki user ke gaming experience ko enhance karega. Iss phone ko single storage option mein launch kiya gaya hai jismein 8GB RAM ke saath 128GB on-board storage di gayi hai.

Samsung Galaxy A80 mein triple rear camera setup diya gaya hai. Primary camera 48MP ka milta hai jiska aperture size f/2.0 hai saath hi yeh LED flash ke saath aata hai. Secondary camera 8MP ka milta hai  jo 123° ultra wide angle lens support ke saath aata hai, iska lens aperture size f/2.2 hai. Third camera ek 3D depth sensing camera hai jo live focus feature ke saath diya gaya hai.

 

Phone mein 3700mAh ki battery di gayi hai jo 25W ki super fast charging ko support karti hai. Charging ke liye aapko USB type-C port ka option milta hai. Iske alawa phone mein in-display finger print scanner ka option bhi diya gaya hai. Behtar audio output ke liye phone mein Dolby Atmos ka support bhi milta hai. Connectivity ke liye phone mein dual 4G VOLTE, dual band Wi-Fi, Bluetooth 5 aur GPS+GLONASS ka option diya gaya hai.

Company ne iss phone ko abhi sirf Europe mein announce kiya hai jahaan iski price 649 Euros (US$ 729 / Rs 50,445  approx.) rakhi gayi hai. Iss phone ke global launch ke liye abhi company ne koi information share nahi ki hai. Europe mein yeh phone 29th May se sale ke liye available hoga.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: