Review Of The Accidental Prime Minister, Kitne Kareeb Hai Sachhai Ke Yeh Movie

Controversy ke beech bani huyi movie The Accidental Prime Minster finally aaj cinema gharon mein release ho gayi hai. Yeh movie media adviser Sanjaya Baru ki likhi huyi book par based hai. Jahan Sanjaya Baru Former Prime Minister Manmohan Singh ke media adviser the. Movie Sanjaya Baru dwara Dr. Manmohan Singh ki public image ko saaf shuthara banaye rakhne ke struggle ko dikhati hai. Saath hi UPA Government ke dwara kiye gaye major progressive work ko show karti hai, jismein nuclear deal aur Kashmir fight jaise major decision include hai.

Movie ki shuruaat ek badi news opening se hoti hai jahan 2004 mein UPA Government ki election mein huyi jeet ko dikhaya jaata hai. Iske baad sabhi characters dheere dheere reveal hona shuru hote hain. Jahan aapko shuruaat mein Anupam Kher Dr. Manmohan Singh ke character mein proper fit hote nazar nahi aate hai. Lekin movie ke aage bhadne par wah aapko character mein dhalte huye nazar aaenge. Wahin unka support Akshay Khanna (Sanjaya Baru) ne kaafi scenes mein kiya hai. Jis se Akshay Khanna ka role aapko jyada impress karta hua dikhai dega. Iske baad Sonia Gandhi (Suzanne Bernet) dikhai deti hai jo ki election ke baad saamne aaye result ko discuss karti huyi dikhati hai. Saath hi yeh declare karti hai ki wah Prime Minister ke designation ke liye Dr. Manmohan Singh ko nominate karti hai.

Iss decision se Dr. Manmohan Singh satisfied hote huye nahi lagte hain. Lekin National Congress Party ki Chairperson hone ki wajah se Sonia Gandhi  ki baat ko support karte hain, aur Prime Minister ke pad ke liye agree ho jaate hain. Jahan baar baar Sanjaya Baru situation ko narrate karte huye nazar aate hain. Inhi sab ke chalte movie aage bhadti hai jahan Dr. Manmohan Singh Prime Minister ki designation ke liye oath (Shapath) lete huye dikhate hai. Jiske baad kisi bhi tarah ke political decision mein Sonia Gandhi interrupt karti huyi dikhai deti hain.

Inn sabhi ke chalte Sanjaya Baru Dr. Manmohan Singh ko encourage karte huye apne decision khud lene ke liye kahte hain. Jiske baad Sonia Gandhi aur Dr. Manmohan Singh ke beech kuch dispute hona shuru ho jaate hain. Inn sabhi scenes mein aapko Rahul Gandhi aur Priaynka Gandhi ka character kaafi minor nazar aata hai saath hi unke character mein koi bhi strength nazar nahi aati hai. Yahan movie aage bhadti huyi lagati hai lekin scene kaafi loose aur unfocused lagate hain. Inn sabhi ke chalte yeh samjh mein aata ha ki iss political drama ka ek hi motive hai aur woh Rahul Gandhi ko Prime Minister banana hai. Lekin iss ke chalte kuch aur controversies create hoti hai, jinki wajah se Rahul Gandhi ek baar fir Prime minister ke pad se chook jaate hain.

Inn sabhi ke beech Dr. Manmohan Singh khud par lag rahe allegation ke wajah se Prime Minister pad se resign karne ke liye kahte hain, jahan Sonia Gandhi uss samay chal rahi controversies ki wajah se unhe resign karne se mana kar deti hai. At last movie ke scene aapko conclude karte huye dikhai denge ki Dr. Manmohan Singh ke dwara uss samay liye gaye decision under pressure liye gaye the. Jahan unhe apne pad ka upyog karne ki bhi poori aazadi nahi di gayi thi.

Abhi tak aayi kaafi biopic aapne dekhi hongi lekin The Accidental Prime Minister ko reality ke kaafi kareeb portray kiya gaya hai. Movie beech beech mein kahin thodi loose hoti huyi nazar aaegi.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: