Reveal Ho Chuke Hain 5 Upcoming Products Ke Naam, Jinhein Company Next Week Karne Waali Hai Launch

Haal hi mein hum aapko bata chuke hain, ki Xiaomi India mein 5 new products launch karne jaa raha hai. Aaj in sabhi products ke naam bhi saamne aa chuke hain aur is upcoming launch event ki date bhi saamne aayi hai.

Xiaomi, India mein 27th September, yaani ki next week mein ek launch event host karne jaa raha hai, jismein company apne 5 new products announce karegi. In 5 products ke liye pehle contest bhi announce kiya gaya tha, ki jo bhi consumer ya fan in sabhi products ke naam sahi bataayega, use company ki taraf se surprise gift ya prize diya jayega.

Well, aaj hum aapko bataate hain ki Xiaomi kaun se 5 products saamne laa rahi hai.

Mi Band 3

Jaisa ki aap log guess bhi kar rahe the, company Mi Band 3 launch karne waali hai, jismein aapko 0.78 inch ki OLED display milegi. Saath hi ye water resistant hai aur aapko 20 days tak ka battery life deti hai. Mi Band 3 ke zariye aap calls attend kar sakte hain, apne messages aur notifications bhi dekha sakte hain. Saath hi ye smartwatch aapko aapki health monitor karne mein help karti hai.

Xiaomi Mi TV 4C, Mi TV 4S, Mi TV 4X

Iske alawa company apni TV range bhi launch karne jaa rahi hai, jismein Mi TV 4C, Mi TV 4S aur Mi TV 4X shaamil hain. Ye televisions aapko 32 se 55 inch ki display ke saath milenege. Wahin inki kimatein lagbhag 11,000 INR se 30,000 INR ke beech hongi.

Xiaomi 90 point Suitcase 1A

Xiaomi is baar jo new products launch kar raha hai, unki list mein company ka smart suitcase bhi hai, jiska naam 90 point Suitcase 1A hai. Halaanki fans is product ke baare mein kam hi guess kar paayethe. Ye suitcase bhi two sizes mein available hoga – 20 inch aur 44 inch. Halaanki ye abhi confirm nahin hai, ki India mein dono models aayenge ya sirf 20 inch model.

Is suitcase ki khaasiyat hai, iski three layer wali strong composite body, TSA lock, 4 mute wheels, jo kisi bhi direction mein aapko follow kar sakte hain.

Mi Home Smart Security Camera

Yes ! Aap mein se bahut logon ne, ye camera bhi guess kiya tha. Xiaomi ka ye Mi Home Smart security camera 2 MP resolution, 130-degree wide angle lens ke saath aata hai. Saath hi ismein night time video support bhi hai aur ye 10 meters tak objects ko illuminate kar sakta hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: