Retailing Website Par OnePlus 7 Ki Full Specifications Aur Image Leak Hui

Iss saal ke second quarter mein hum sabhi ko OnePlus ki taraf se OnePlus 7 ka intezar hai, jiske rumors market mein already nazar aa rahe hain. Is smartphones ke highlighted features hain, pop-up selfie camera aur triple rear cameras, jinke baare mein hum aapko pehle bata chuke hain. Lekin iske alawa OnePlus 7 ki kuch images aur sabhi specifications aaj ek retailing website Giztop.com ke through saamne aayi hain, jinhein is article mein hum aapke saath share karne waale hain.

 

 

Iss website par phone ki ek image post ki gayi hai aur saath hi almost sabhi specs bhi saamne aaye hain. Listed specs mein bataya gaya hai ki iss phone mein aapko Qualcomm Snapdragon 855 chipset, 6.5 inch ki Optic AMOLED screen, Adreno 640 GPU milne wala hai. Saath hi phone mein di gayi screen fastest face unlock support ke saath aayegi, aisa maana jaa raha hai.

Iske alawa in specs ke according yeh phone 2 storage variants 8GB/128GB aur 12GB/256GB ke saath dikhai de raha hai. Iske rear panel par triple rear cameras 48MP+20MP+5MP aa sakte hain. Saath hi pop-up selfie camera 16MP ka mention kiya gaya hai.

Inn sabhi specs ke list ki gayi details mein yeh bhi pata chala hai ki OnePlus 7 mein mein Oxygen OS 9 based Android 9.0 Pie mil sakta hai. Saath hi yeh phone 4000mAh ki battery ke saath aa sakta hai jo ki 44W super fast dash charging ko support karegi. Retailing website par OnePlus 7 ki price bhi mention ki gayi hai jahan yeh phone $569 ( Rs 39,852 approx.) ka show kiya gaya hai.

Lekin ye list kiye gaye specs kitne sahi hain, ye hum launch ke samay ki bata sakte hain. Well, kya hamaari tarah, aapko bhi OnePlus 7 ke launch ka intezaar hai, comment section mein zaroor bataayein.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: