Retail Website Par List Hua Motorola One Macro Smartphone, Leak Huye Sabhi Specs Aur Price

Motorola ke upcoming smartphone Motorola One Macro ko haal hi mein Saudi Arabian retail website par spot kiya gaya hai. Lekin kuch time baad hi ise website se remove kar diya gaya tha. Website ke through phone ke look ke alawa kuch aur specs bhi saamne aaye hain. Image mein phone ke front panel par display mein waterdrop notch dikhai de rahi hai. Front screen ke bottom mein kaafi thick bezels dekhi jaa sakti hain.

Motorola One Macro ko kuch samay pehle hi Geekbench listing ki website par bhi dekha gaya tha. Ismein phone ka single core aur multi core score bhi reveal kiya gaya tha, saath hi kuch specs details bhi saamne aayi thi. Phone ka single core score 1429 aur multi core score 5584 tha. Iske alawa share ki gayi jaankari mein yeh phone, Android 9 Pie, 2GB RAM aur MediaTek Helio P60 chipset ke saath mention tha.

Saudi Arabian retail website par phone ka rear aur front donon look reveal huye hai. Rear panel quad camera setup dikhai de raha hai. Website par mention ki gayi details ki according ismein laser autofocus camera bhi include hain. Iske alawa primary rear camera 13MP ka, 2MP ka macro camera aur 2MP ka depth sensor bataya gaya hai. Iske alawa back panel par physical finger print scanner bhi dikhai de raha hai, jo ki Motorola logo ke saath hai. Website par phone ka front camera 8MP mention kiya gaya tha.

Retail website par phone ki price SAR 899 (~Rs 17,040) mention ki gayi thi. Well, phone ki launch date ko le kar abhi koi bhi jaankari humare saamne nahi hai. Lekin expect kiya jaa raha hai ki iss phone ko sabse pehle Saudi Arabia aur Middle East market mein launch kiya jaayega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: