Reno Series Ke Ek Aur Samrtphone Ko Jaldi Hi Launch Kar Sakta Hai Oppo

Oppo ne kuch samay pehle hi India mein Reno series smartphone ko introduce kiya hai. Haal hi mein issi series ke ek aur phone ke launch hone ki news saamne aa rahi hai. Sources ki maane to company yeh phone sabse pehle India mein hi launch kiya jaa sakta hai. Iske alawa agar company iss phone ko India mein announce karti hai to yeh Reno Series ka third phone hoga.

Oppo ki yeh Reno series, apne camera mechanism ke liye famous huyi thi. Same expectation iss phone se ki jaa rahi hai. Rumors ki maane to yeh phone Diwali ke aas-pass India mein launch ho sakta hai, jahaan iski price Rs 40,000 ke kareeb rakhi jaa sakti hai. Haal hi mein company ne Water Fall display technology ko show kiya hai, jise company Find X series mein degi.

Expect kiya jaa raha hai ki iss phone ko Hyderabad ke R&D center mein develop kiya jaa sakta hai. Well, iss phone ke baare mein iss se jyada jaanakri share nahi ki gayi hai. Baat karein Oppo Reno 10X Zoom phone ki  to ismein 6.6 inch ki full HD+ AMOLED display di gayi hai. Ismein shark fin front camera diya gaya hai jo ki 16MP ka milta hai. Iske alawa rear camera 48MP+8MP+13MP ke triple camera setup mein aata hai. Oppo Reno 10X Zoom mein Snapdragon 855 chipset ko use kiya gaya hai. Yeh phone 4065mAh ki battery ke saath aata hai, jismein VOOC 3.0 fast technology ka support aapko milta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: