Reliance Ne Introduce Kiya World Ka First Video Call Assistant – Bot, Bina Kisi App Ke Karega Kaam

Reliance Jio ne Indian Mobile Congress (IMC 2019) ke dauraan duniya ke pehle Video Call Assistant – Bot ko introduce kiya. Ye world ka first video call assistant hoga, jo AI enabled hai aur ise access karne ke liye aapko kisi bhi app ko download karne ki zaroorat nahin hai.

Jio ke is Video Call Assistant ko istemaal karne ke liye aapko sirf ek 4G phone ki zaroorat hogi. Bot ko company ne customer support ko improve karne aur customers ke saath communications ko behtar banaane ke purpose se introduce kiya hai.

ALSO READ: Reliance Jio Customers Ke Liye Ab Calling Nahin Rahi Free, Aaiye Jaante Hain Kya Hai Reason

Jio video Bot easily aapki problems ko sunkar aapko appropriate answers provide karta hai. Is video call assistant mein auto learning feature bhi moujood hai jo answers ko aur improve karne mein helpful hai.

Jio ke is Bot assistant ko company ne US based Radisys ke saath milkar invent kiya hai aur iske zariye company businesses aur other users ko unke repetitive queries ke prompt aur accurate solutions dena chahti hai.

Jio ke is Bot mein unique avatar ko create karne ki capability bhi hai, jo ki brand dwara chune gaye customer care executive, company ka CEO aur brand ambassador ya phir kisi other person ka chehra bhi ho sakta hai. Inmein se koi bhi avtar ko aap Bot ko call dial karke access kar sakte hain aur saath mein ye multiple languages support ke saath aapke liye available hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: