Reliance Jio ne Launch Ki Jio UPI Payments Service, PhonePe, Google Pay Ko Dega Takkar

Reliance Jio ab aapke ghar ke har hisse mein aane ko taiyaar hai. Is company ne telecom operator ke taur par apni shuruaat ki aur uske baad Jio Fiber ke saath broadband sector mein kadam rakha. Iske baad aaj Jio payment services mein bhi entry karne ki announcement kar chuka hai.

Darasal, aaj company ne apni nayi Jio UPI payments service India mein launch kar di hai, jiske saath company Phone Pe aur Google Pay jaisi payment apps ko India mein takkar dene ko poori tarah se taiyaar hai.

Aaiye aapko  Jio UPI payment app ke launch ke baare mein aur detail mein bataate hain. Darasal filhaal ye aap aur iske features kuch selected users ke liye hi available hain, lekin bahut hi jaldi ye sabhi Jio users ke liye available honge. Saath hi reports ye bhi kehti hain ki ye service alag se nahin balki aapki ‘My Jio App’ mein hi Jio Cinema, Jio News ki tarah jodi jayegi.

Filhaal Jio ke through officially ye saamne nahin aaya hai ki ye app kya kya service offer karegi. Lekin other payment apps ka strong competitor banne ke liye expected hai ki Jio UPI payment app se aapko wahi services milein jo ki Phone Pe jaise apps deti hain.

Yahaan bhi aapko is payment app se ek Virtual Payment Address milega aur sign up karne ke baad ek UPI account. Iske liye aapko apna mobile number, bank account number, UPI PIN generate karne ke liye debit card number jaisi personal information share karni hongi.

Iske alawa Jio saath mein kaafi saare IoT products, jaise ki smart speakers, smart doorbells, etc. bhi develop kar raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: