Reliance Jio Ki Jio Group Talk App Smartphones ke Liye Launch Hui, Is Tarah Ek Saath Baat Kar Sakenge 10 Users

Reliance Jio ne apne users ke liye ek new app ko develop kiya hai jis ke through maximum 10 users ek saath conference call kar sakte hain. Iss app ka naam hai ‘Jio Group Talk’ app. Yeh app abhi trial version par chal rahi hai jo ki Google Play Store par already available hai. ‘Jio Group Talk’ app ka commercial version jaldi hi launch kiya jaaega.  Iss app ke through users VOLTE par group conference call kar sakte hain.

Iss app mein kaafi achhe features diye gaye hain, jo ki ise regular conference call se different banaate hain. Sabse pehli baat yeh ki iss calling app ka benefit wahi log le sakenge jo Jio SIM use kar rahe hain. Iss app ke through aap HD voice call kar sakte hain. Jio talk app sirf Android users ke liye Google Play store par available hai

 

 

Yeh app abhi sirf Android platform par trial ke liye di gayi hai. ‘Jio Group Talk’ ko use karne ke liye aapko ise pehle Google Play Store se download karna hoga. Uske baad app open karne par aapko ek permission request milegi jise aapko yes kar ke proceed karna hai. Fir aapko name aur registered Jio number ismein fill karna hoga. Jio number enter karte hi aapke pas ek OTP ( One Time Password ) aaega. Issi ke saath aap iss app ke registration ko complete kar lete hai.

Ab aapke saamne iss app ka home page show hoga jismein aapko new conference call ka option dikhai dega. Yahan se aap un sabhi users ko conference call kar sakte hain jo ki Jio Sim ko use karte hain. Iske alawa aap ismein group create kar sakte hain jis se aapko baar baar un sabhi users ko add nahi karna padega jinhe aap conference call mein add karna chahte ho.

Iss app mein koi bhi new conference call karne ke liye aapko one by one user ko add  nahi karna hota hai. Aap shuruaat mein hi un sabhi users ko select kar sakte hain jinhe aap call karna chahte hain. Aisa karne se sabhi users ko ek saath call chali jaaegi. Ismein aapko mute mode milta hai, jisse aap kisi bhi user ko mute kar sakte hain. Iske alawa lecture mode bhi hai, jo sirf ek user ko bolna allow karta hai, jabki baaki sabhi sirf sunte hain.

Call ke dauraan kisi bhi users ko add ya remove karna aur kisi bhi particular participant ka call mute karne ka option bhi aapko iss app mein milta hai. Yeh sabhi features aapko iss app ki trial version mein dekhne ko mil rahe hain. To iss baat mein koi doubt nahi hai ki iss app ka commercial version full featured ho sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: