Reliance Jio Ne Amarnath Yaatriyon Ke Liye Launch Kiya Naya Prepaid Plan

Reliance Jio ne Amarnath Yatra par jaane wale yaatriyon ke liye ek naye plan ko introduce kiya hai. Yeh plan 7 days ki validity ke saath aata hai. Iss plan ka benefit Jammu & Kashmir circle ke andar hi uthaya jaa sakta hai. Issi ke saath iss plan ko lene ke liye aapko Jio Prime Member hone ki jarurat bhi nahi hai.

 

Yeh Rs 102 ka prepaid plan hai jismein users ko unlimited local aur national voice calling ki service di jaayegi, issi ke saath users ko 100 SMS per day free milenge. Itna hi nahi, user ko 500MB 4G data bhi per day milega. Data limit khatam hone par user ko 64Kbps data speed di jaayegi. Jammu & Kashmir mein Amarnath yatra ke duaraan poore desh se yaatri aate hain, lekin sirf kuch din ki yatra ke liye unhe naya pre-paid connection lena padta hai, iske alawa safety ki wajah se yahaan sirf post-paid sim hi kaam karte hain. Iss plan ke liye aapko Jio retailer se naya Jio Sim aur plan purchase karna padega. Iss plan ko company ne Amarnath Yatra best prepaid plan naam diya hai.

Also Read : Reliance Jio Ne Launch Kiya Jio Group Talk App

Aisa pehli baar nahi hua hai ki Jio ne kisi special time par special offer ko launch kiya ho. Iss se pehle Kumbh ke samay par bhi Reliance Jio ne kuch khaas plans users ko provide kiye the. Iske alawa company ne New Digital Literacy Initiative Program ko start kiya hai, ise Digital Udaan naam diya gaya hai. Yeh program first time internet use karne wale users ko dhayan mein rakhte huye launch kiya gaya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: