Reliance Jio Ka Naya Monsoon Hungama Offer: Jio Phone ki Effective Cost Hui Rs. 501

Reliance Jio is Monsoon phir se aapke liye ek naya offer lekar aaya hai, lekin ye offer kewal Jio Phone ke liye hai. Jio Phone jo ki 1,500 INR ki price ke saath last year launch kiya gaya tha, aaj company us par aapko ‘Monsoon Hungama offer’ de rahi hai. Is offer mein aapko apne kisi bhi puraane feature phone ko naye Jio Phone se exchange karne ka mauka mil raha hai.

Monsoon Hungama offer ka laabh uthaane ke liye aap kisi bhi purane feature phone ko dekar kewal 501 INR ke effective cost par naya Jio Phone kharid sakte hain. Lekin iske liye ek aur mandatory cheez hai 594 INR ka prepaid recharge jo aapko Jio Phone kharidne ke saath hi karwana hoga aur ismein aapko 6 months ki validity ke saath free voice calls aur 90GB 4G data milega. Yaani ki 1,095 INR mein aapko Jio Phone aur uske saath unlimited free calls aur data milne wala hai.

Isi ke saath company ne ek naya 99 INR ka tariff plan bhi announce kiya hai jismein aapko 28 days ke liye 0.5GB data per day, 300 SMS aur free calls milenge.

Agar dhyaan diya jaaye to ab Jio Phone kaafi saste mein mil raha hai. Launch ke samay iski kimat 1,500 INR thi jismein aapko koi calls ya data nahin mil raha tha aur agar aap minimum Rs. 49 per month ke hisaab se 6 months ka recharge karwaate the to aapko 6GB data aur free calls, 6 months ke liye milta tha. Aur ab 501 INR ke effective cost par Jio Phone aur 594 INR ke recharge par data and calls. Yaani ki 1,500 INR mein 6 months ke liye 90GB data aur unlimited free calls.

Lekin is offer ko paane ke liye aapko kuch conditions maanni hongi.

  • Aap jis feature phone ko exchange kar Jio Phone purchase karne waale hain, wo feature phone Jio Phone ya CDMA phone nahin hona chahiye.
  • Exchange karne ke liye phone mein battery aur saath hi charger zaroor hona chahiye.
  • Feature phone damage nahin hona chahiye, na hi uska koi bhi part missing hona chahiye.
  • Exhange ke samay Adhaar card mandatory hai.
  • Yadi aapne MNP karwaaya hai, to naya MNP Jio number bhi chahiye hoga.

Ye offer 21st July se shuru ho chuka hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: