Reliance Jio Ka Diwali Offer: 1699 INR Ke Yearly Plan Par 100% Cashback Offer Aur My Jio App Par Enjoy Karein Digital Durga Utsav

Reliance Jio bhi hamaare saath festivals manaane ko taiyaar hai, iske liye company ne aaj 100% cashback ke saath naya Diwali tariff plan bhi launch kiya hai. Saath hi Digital Durga Utsav bhi aap Jio ke saath ab mana sakte hain.

Aaiye bataate hain, kaise ?

Durga Puja aur aane waale Diwali festival ke mauke par Reliance Jio ne 1,699 INR ka yearly tariff plan launch kiya hai, jiski validity 365 days hai. Agar aap is plan ko 30th November se pehle lete hain, to aapko 100% ka cashback offer milta hai.

1,699 INR ke is tariff plan mein aapko 100 local / national free SMSes per day, unlimited free calls aur 1.5GB high speed data per day milta hai. Is yearly plan mein aapko 1.5GB per day ke hisaab se company 547.5GB data provide karti hai. Iske baad bhi aapko unlimited data milta rahega, lekin uski speed 64Kbps reh jaati hai.

100% cashback kis tarah milega

  • Is plan par 100% cashback paane ke liye, aapko 30th November se pehle recharge karne hoga.
  • Ye cashback aapko four coupons mein diya jayega.
  • In sabhi coupons ko aap Reliance Digital Store par use kar sakte hain, iske liye minimum 5,000 INR ki shopping karni hogi.
  • Ek samay mein kewal ek hi coupon istemaal kiya jaa sakta hai.
  • Aur in sabhi coupons ki validity kewal 31st December 2018 tak hi hogi.

Jio ke ye Diwali offer kewal is yearly plan par hi nahin, balki 100 INR se upar ke sabhi tariff plans par available hai. 149 INR se 9,999 INR tak koi bhi recharge plan lene par aapko 100% cashback coupons ke form mein milne wala hai.

Digital Durga Utsav

Jio ki second major announcement ye hai ki, Durga Pooja Utsav manaane ke liye aap sabhi famous temples se Durga Puja celebrations ko apne smartphone par dekh sakte hain. Is app ke zariye aap alag alag cities ke famous Durga Puja ke pandal dekh sakenge. Unki short videos bhi yahaan par available hogi.

  • Iske liye aapko My Jio app download karni hai.
  • Usmein app open karte hi aapko Experience Digital Durga Pooja Utsav ka icon dikhega, jise aapko press karna hai.
  • Is par show ho rahe ‘Experience Now’ ke button ko press kijiye aur har sheher ki alag Durga Pooja ka anand uthaaiye.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: