Reliance Jio Customers Check Kar Le Apne Existing Plan Ki Validity, Kuch Samay Ke Liye Mil Sakti Hai Raahat

Reliance Jio ne TRAI ke dwara apply kiye gaye rule ko announce karte huye bataya tha ki, kal se sabhi Jio users ko non-Jio users ko call karne par 6 Paisa per minutes pay karna hoga. Iss rule ko aur clear karte huye aaj company ne bataya ki jin users ne 9th October se pehle jo bhi plans liye huye hain unhe uss plan ka benefit, validity khatam hone tak diya jaayega. Aise mein agar aapne 3 months ya 6 months ya 1 Year ka recharge kiya hua hai to aur validity khatam hone mein time hai, to aap iska faayada utha sakte hain.

Aapko bata dein ki 6P/m ki chargers, Interconnect Usage Charge (IUC) hain, jo ki abhi tak company khud hi pay kar rahi thi. Lekin TRAI dwara apply kiye gaye naye rule ke dauraan yeh charges ab customers ko hi pay karna honge. Ab se user jo bhi plan use kar rahe the uske saath unhe alag se IUC pay karna hoga. Iske bina user kisi other non-Jio user ko call nahi kar paayenge.

IUC recharge ke liye company ne kuch top-up vouchers ko launch kiya hai, jiske saath aapko free data bhi diya jaa raha hai. Iss recharge mein Rs 10, Rs 20, Rs 50 aur Rs 100 ke top up vouchers include hain. Inn recharge par aapko kuch limited minutes diye jaa rahe hain.

Iske alawa jo user IUC recharge ko karana prefer nahi karenge wah data usage ke through call karna pasand karenge. Ismein aap Whatsapp call, Duo call aur Apple devices mein milne wale Face time calling ka use kar sakte hain. Technical terms mein ise Voice-over-Internet-Protocol (VoIP) kaha jaata hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: