Reliance Industries – Rs. 10,000 Crore Ka Quarterly Profit Paane Waali First Private Company; Saamne Aayi Complete Details

Reliance Industries, jo ki ek bada group hai, ka October to December 2018 quarter ka profit, Rs. 10,251 crores darj kiya gaya hai, jo ki isse pichle saal ke mukaable 8.8 percent jyada hai. Saath hi company ne ye bhi bataaya hai ki petrochemicals aur refinery businesses ka bhi is profit mein kaafi support hai.

Agar sirf Telecom operator Reliance Jio ki baat karein, to company ne announce kiya ki December 2018 ke saath khatm hone waale quarter mein company ko Rs. 831 crore ka profit hua hai. Abhi Reliance Jio ne kewal apne 2 hi saal poore kiya hain aur ismein last quarter mein pehle ke mukaable company ka 22 percent quarter-on-quarter ka munaafa hai, jo ki bante hain Rs. 681 crore, jabki last to last year se compare karein, to Reliance Jio ne 504 Crore rupees ka profit jyada kamaaya hai.

Quarter ke last mein Reliance Jio 3 exabyte per month mobile network ban chuka hai, jaisa ki company ne khud hi announce kiya hai.

Company ki financial position aur jyada strong ho rahi hai, Reliance Jio ki EBITDA is quarter mein Rs 4,053 crore tak pahunch chuki hai, jo ki Quarter-on-quarter ka 13.4% hai.

Reliance Jio ke December 2018 tak 280.1 million subscribers ho chuke hain, jabki September 2018 mein khatn huye quarter mein ye kewal 252.3 subscribers hi the.

Reliance Jio ka jo data saamne aaya hai, wo kuch aise hai.

  1. Standalone revenue from operations – Rs. 10,383 crores
  2. Standalone EBITDA Rs. 4,053 crores
  3. Net Profit of Reliance Jio – Rs. 831 crores
  4. ARPU during the quarter – Rs. 130 per subscriber per month
  5. Total wireless data traffic during the quarter – 864 crore GB
  6. Total voice traffic during the quarter – 63,406 crore minutes.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: