Reliance aur Google Ne Partnership mein JioPhone Next Announce kiya

Reliance ki 44th AGM (Annual General Meeting) mein aaj Reliance Industries ke Chairman Mukesh Ambani ne JioPhone Next ko announce kiya. Ye ek 4G smartphone hai jise Jio ne Google ke saath partnership mein develop kiya hai. Jaise ki is phone ke baare mein leaks aa bhi chuke hain.

Mukesh Ambani ke according “ye phone ek ultra affordable phone hoga aur ismein aapko cutting edge features milenge”. Saath hi unhone kaha ki, “is fully featured phone mein Google aur Jio ki sabhi applications ka access bhi aapko milega“. Unhone apni statement mein ek aur line bhi add ki, “Jaise ki aap Jio se expect karte hai, ye smartphone India hi nahin balki world mein sabse affordable phone hoga.”

JioPhone Next launch

Company ne is phone ke kuch features bhi share kiye hain. JioPhone Next mein Google ke Android OS ka ek naya customized version dekhne ko milega. Saath hi phone mein voice assistant, display par aaye text ko automatic loudly read karna, language translation jaise specs bhi honge. Ismein smart camera bhi augmented reality filters ke saath nazar aayega. Iske alawa baaki features se abhi parda nahin uthaaya gaya hai.

JioPhone Next ki announcement ke mauke par Google ne kaha hai ki, “Ye phone India ke liye bana hai aur is phone ke saath jo laakhon log pehli baar internet use karenge unke liye ye nayi possibilities aur experience bhi saath laayega”.

JioPhone Next

Ye smartphone Ganesh Chaturthi ke mauke par 10th September se market mein available hoga. Ummid hai ki ab iske specs bhi jaldi hi saamne aayein.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: