Redmi Y3 Vs Redmi 7 Vs Redmi Note 7 Detailed Comparison: What’s Your Choice?

Apne parent brand se alag hone ke baad, Redmi ne sabse pehle Redmi Note 7 series India mein launch ki aur ab company ne Redmi Y2 ke successor, Redmi Y3 ke saath entry level phone Redmi 7 ko bhi Indian market mein introduce kar diya hai. Lekin Redmi Note 7 Pro ke alawa launch kiye gaye sabhi smartphones lagbhag same price range mein aaye hain.

Kya aap jaante hain ki Redmi 7 ke 3GB+32GB variant ka cost 8,999 INR hai, wahin Redmi Note 7 ka 4GB+64GB version 9,999 INR mein available hai aur Redmi Y3 ko bhi 9,999 INR ke starting price ke saath market mein utaara gaya hai. Jahaan ye sabhi Redmi phones affordable options hain, wahin ye consumers ke confusion ko bhi badhaate hain ki inmein se aakhir better choice kya hai. To aaiye ek detailed comparison mein hum aapko bataate hain ki kaun si category mein kaun sa smartphone jyada behtar saabit hua hai.

ALSO READ: Realme 3 Vs Redmi Note 7 Vs Galaxy M20 Detailed Comparison

Design And Build Quality

Redmi Y3 plastic mein company ne completely plastic ka use kiya hai, saath hi ismein rear panel par aura design hai, jo dekhne mein attractive aur elegant lagta hai. Halaanki ye plastic cover hai, lekin phir bhi last year tak saamne aaye Xiaomi phone ke mukaable iska overall gradient look kaafi  better hai. Saath hi plastic cover ke saath yahaan par aapko curved edges milte hain, jinse phone ko hold karna easy hai.

Wahin Redmi 7 mein bhi polycarbonate design moujood hai, aap keh sakte hain ki budget smartphone mein better specs ke saath handset offer karne ke liye yahaan company ne design  mein compromise kiya hai. Saath hi Redmi 7 mein easily scratches aur smudges lagte hain, jo ki aap neeche di gayi image mein dekh bhi paayenge aur ye un fans ko kuch khaas impress nahin kar payega, jo looks aur design ko preference dete huye smartphone choose karte hain.

Wahin isi price mein Redmi Note 7 mein aapko complete glass body milti hai, saath hi dono taraf Corning Gorilla Glass 5 protection hai. Halaanki ki ismein bhi smudges aate hain, lekin utni jaldi nahin, jitney Y3 aur Redmi 7 mein. Iske alawa Redmi Note 7 ek premium look aur premium feel offer karta hai, saath hi ye ek flat phone hai, jo design dekhkar phone choose karne waalon ko kaafi attract karta hai. Lekin wahin ye thoda slippery bhi hai.

Iske alawa Redmi Note 7 mein aapko Type-C port milta hai, jabki Redmi 7 aur Y3 mein ye nahin hai.

Overall design ke maamle mein Redmi Y3 aur Redmi Note 7 dono hi kaafi achhe hain, lekin glass body ke saath Redmi Note 7 ko hum is category mein best kahenge.

Display

Redmi Y3 aur Redmi 7, dono mein hi 6.26 inch ki 19:9 2.5D curved glass display di gayi hain, jo ki HD+ resolution ke saath aayengi. Lekin Redmi Note 7 mein 6.3 inch ki full HD+ display hai, jo ki LTPS in-cell panel ke saath di gayi hai. Halaanki in sabhi phones mein aapko Corning Gorilla Glass 5 protection milta hai, lekin full HD+ display ke saath, yahaan par bhi clear winner Redmi Note 7 hi hai.

Processor

Redmi Y3 aur Redmi 7 mein company ne Octa Core Snapdragon 632 processor diya hai, wahin Redmi Note 7 mein aapko kayi smartphones mein pehle test kiya hua Octa Core Qualcomm Snapdragon 660 milta hai. Halaanki budget price mein normal usage aur light games ke liye ye dono hi chipsets achhe hain, low settings ke saath aapko achhi gaming performance mmilti hai. Lekin multitasking, heavy games jaisi cheezon ke liye Snapdragon 660 thoda jyada fast aur smooth paya gaya hai.

Overall smartphones ki performance dekhein, to Snapdragon 660 ke saath chalne waala handset thoda fast hoga.

Software

In sabhi smartphones mein aako Android 9.0 Pie OS ke saath MIUI 10 milta hai, to yahaan par comparison ki koi baat hi nahin hai. Lekin MIUI 10 mein phir bhi aapko kaafi saare customization options milta hai aur interface bhi kaafi better hai. Isi ke saath yahaan par aapko display mein bhi kaafi modes offer kiye gaye hain.

Camera

Camera ek smartphone ka most important part hota hai. Halaanki ye sabhi budget phones hain, lekin phir bhi consumer is price par bhi best camera performance deliver karne waala smartphone hi prefer karta hai, specially youth. Lekin yahaan par ye teenon hi smartphones same performance denge, kyunki cameras totally same hain.

Redmi 7, Redmi Note 7 aur Redmi Y3, in sabhi mein 12 MP ke primary camera ke saath 2 MP ka secondary shooter, depth focusing ke liye diya gaya hai. Overall camera performance achhi hai. Portrait shots bhi aap isse acche le sakte hain aur detailing bhi sahi milti hai.

ALSO READ: Realme 3 Pro Vs Redmi Note 7 Pro Detailed Comparison: The Battle Of Pros

Selfie cameras ke baare mein bola jaaye to, Redmi ki Y-series selfie camera phones ke liye hi jaani jaati hai. Last year 16 MP front camera ke saath launch huye Redmi Y2 ko bhi kaafi pasand kiya gaya tha aur ab Redmi Y3 32MP selfie shooter ke saath announce kiya gaya hai. Iski camera performance kaafi achhi hai. Detailing aur color saturation bhi aapko achha milta hai.

Wahin Redmi 7 mein aapko 8 MP front camera ke saath kaam chalana padega aur Redmi Note 7 mein bhi 13MP ka front camera hi hai.

Kaha jaa sakta hai ki selfie lovers ke liye yahaan par Redmi Y3 ek achhi choice hai.

Battery

Ab baat karte hain, battery capacity ki. Sabse pehle to, hum aapko bata dein ki Redmi Note 7 mein aapko Qualcomm Quick charge 4.0 support milta hai, lekin baaki ke dono phones Redmi 7 aur Y3 mrin koi fast charging option nahin hai. Lekin in teenon hi smartphones mein aapko 4000mAh ki battery milti hai.

Redmi Note 7 mein aapko fast charging ka option to milta hai, jo ki kaafi achha bhi hai, lekin iske liye aapko separate charger lena hoga, kyunki box mein aane waala charger fast charger nahin hai.

To yahaan par choice aapki hai ki same battery options ke saath available in teenon smartphones mein se aap kya choose karte hain.

Storage options & Price

Redmi Y3

  • 3GB + 32GB version – 9,999 INR
  • 4GB + 64GB variant – 11,999 INR

Redmi Note 7

  • 3GB + 32GB variant – 9,999 INR
  • 4GB + 64GB variant – 11,999 INR

Redmi 7

  • 2GB + 32GB storage option – 7,999 INR
  • 3GB + 32GB option – 8,999 INR

Well, Redmi Y3 aur Redmi Note 7 ka price bilkul same hai, lekin Redni Note 7 choose karne par aapko better chipset, good display aur more attractive design milta hai.

Wahin Redmi Y3 ke mukaable, 1K lesser mein Redmi 7 aapko same display, camera aur 3GB+32GB variant offer karta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: