Redmi Y3 Ki India Launch Date Saamne Aayi, 32 MP Selfie Shooter Ke Saath Isi Month Mein Hoga Launch

Apni parent company se separate hone ke baad, is year mein Redmi ne kayi behtareen smartphones launch kiye hain, jinmein se India mein abhi tak Redmi Note 7 Pro aur Redmi Note 7 aaye hain. Ab is month ke starting se hi, company apne naye smartphone Redmi Y3 ko tease kar rahi hai. Kuch samay pehle hi Xiaomi India head Manu Kumar Jain ne bhi kayi saari selfies ko combine kart eek video ko Twitter par share kiya tha, jismein Y3 ko tease kiya gaya tha.

Aaj Redmi ne is smartphone ki India launch date bhi announce kar di hai, saath hi kuch key features bhi saamne aaye hain. Manu Kumar Jain ne Redmi Y3 ki launch date ki announcement ki hai, jiska invite aap neeche dekh sakte hain. Saath hi Amazon.in par is upcoming selfie centric smartphone ka page live ho chuka hai.

Jaisa ki aap launch poster mein dekh hi rahe hain, Redmi Y3 32 MP super selfie camera ke saath 24th April ko launch hone waala hai, jo ki last year launch huye Redmi Y2 ke 16 MP front camera ke mukaable kaafi behtar hoga.

Amazon.in par aaye landing page se is samay Redmi Y3ko lekar jo clues mil rahe hain, unke according ismein bhi powerful chipset hoga. Iske predecessor Redmi Y2 mein Snapdragon 625 tha, ab ismein Snapdragon 632 hoga ya usse bhi aur behtar, ye kehna mushkil hai.

Iske alawa wahaan likha gaya hai, ki is upcoming Redmi phone mein ‘industry leading display aur Splash protection bhi di jayegi’. Saath hi ye handset bhi trend ko follow karte huye, gradient color options mein hi launch kiya jayega. Is smartphone mein aapko Android 9.0 Pie OS ke saath MIUI 10 diya jayega, saath hi kuch rumors ye bhi suggest kar rahe hain ki Redmi Y3 mein 4000mAh ki battery hogi.

Well, ye smartphone next week launch hone waala hai, lekin abhi tak iske kuch khaas leaks saamne nahin aaye hain. Hopefully, is week ke end tak, Redmi Y3 ke specs ko lekar kuch leaks saamne aaye, to hum aapke saath zaroor share karenge.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: