Redmi Y3 Iss Date Mein Hoga India Mein Launch, Saath Hi Redmi 7 Bhi Kar Sakta Hai Entry

Xiaomi Redmi 7 China mein already launch ho chuka hai. Ab company ise jaldi hi Indian market bhi launch karne ki soch rahi hai. Xiaomi India ke CEO Manu Kumar Jain ne kal ek tweet ke dwara bataya ki company ne abhi tak Redmi Y series ke 7 Million units sale kar diye hain. Saath hi unhone tweet mein bataya ki Y series ko customer ne kaafi pasand kiya hai. Tweet mein Y1, Y2 ke baad next Y ko question mark ke saath mention kiya hai. Redmi Y3 ko company 24th April ko India mein launch karegi.

Issi ke saath expect kiya ja raha hai ki  Redmi Y3 ke saath company Redmi 7 ko bhi India mein announce kar sakti hai. Iska andaaja highlight kiye gaye 7 number se lagaya jaa raha hai. Amazon par company ne already upcoming smartphone ke liye poster release kiya hua hai, jismein mention hai ki phone mein 32MP ka camera dekhne ko milega. Saath hi yeh phone 2 days ki long lasting battery ke saath aayega. Iske alawa phone mein diya gaya processor video editing aur powerful gaming ke liye bhi capable hoga.

 

Redmi 7 ke specs ki baat karein to company ne iss phone mein 6.2 inch ki HD+ display di hai jo ki corning gorilla glass 5 protection ke saath aati hai. Saath hi phone ko power dene ke liye ismein Snapdragon 632 chipset use kiya gaya hai jo ki Adreno 506 GPU ke saath aata hai. Iss phone mein dual rear cameras setup milta hai jahaan primary camera 12MP ka aur secondary camera 2MP ka diya gaya hai. Front facing camera 8MP ka milta hai. Redmi 7 mein 4000mAh ki typical battery di gayi hai. Company ne iss phone ko China mein 3 storage variant mein utaara hai jahan 2GB/16GB, 3GB/32GB aur 4GB/64GB storage variants dekhne ko milte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: