Redmi Y3, 32MP Super Selfie Camera Ke Saath India Mein Launch Hua

Apne 32MP Super Selfie Camera phone ko promote karne ke baad, aaj company ne India mein ise launch bhi kar diya hai. Is smartphone ko company ne Redmi Y2 ke successor, Redmi Y3 ke taur par hi launch kiya hai aur ye ek affordable smartphone hai, jiski sale 30th April se India mein start hogi.

Redmi Y3 ko Elegant Blue, Prime Black aur Bold Red color options mein launch kiya gaya hai aur ye ek Amazon exclusive device hai. Saath hi Amazon ke alawa aap ise Mi.com aur Mi Home Stores se bhi kharid sakte hain. Iske alawa Airtel customers ko is smartphone ko kharidne par 1120GB ka additional data offer bhi diya jaa raha hai.

Specs ki baat karein to, Redmi Y3 mein 6.26 inch ki HD+ curved glass display hai, jo 19:9 aspect ratio aur Corning Gorilla Glass 5 protection ke saath aayegi. Saath hi is smartphone mein Octa Core Qualcomm Snapdragon 632 14nm processor ka istemaal kiya gaya hai, jiske saath Adreno 506 GPU hai.

Redmi Y3 mein 32 MP ka front camera, f/2.25 aperture, 1/2.8″ sensor ke saath add kiya gaya hai. Wahin rear panel par 12+2 MP ka dual rear camera setup fitted hai, jo LED flash light, f/2.2 aperture aur PDAF jaise features ke saath aayega. Iske rear panel par fingerprint scanner bhi aap dekh hi sakte hain aur Redmi ka logo neeche ki taraf hai.

Is dual SIM based handset mein Android 9.0 Pie OS ke saath MIUI 10 diya gaya hai, saath hi Redmi Y3 P2i nano coating ke saath splash resistant bhi hai. Is smartphone mein bhi aapko 4000mAh ki battery milti hai, lekin yahaan par koi fast charging option nahin hai.

Redmi Y3 ke two storage options release kiye gaye hain – 3GB RAM + 32GB storage option ka price 9,999 INR hai aur 4GB RAM + 64GB storage version ka price 11,999 INR hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: