Redmi Snapdragon 855 Phone Ka Naam Hoga Redmi K20 Pro: Specs Bhi Leak Huye

Redmi jaldi hi flagship smartphones se compete karne ke liye taiyaar hoga aur jaldi hi company ka first Snapdragon 855 phone bhi launch hone jaa raha hai. Is smartphone ka naam pehle Redmi X bataaya jaa raha tha, lekin company GM Lu Weibing ne ise galat khabar bataaya. Aaj finally is smartphone ki alleged protective film leak hui, jis par phone ke naam ke saath saath specs bhi leak ho chuke hain aur is flagship smartphone ka naam ho sakta hai Redmi K20 Pro.

Well, agar ye protective film sahi hai, to hum keh sakte hain ki is baar Redmi ne kaafi unique naam chuna hai, kyunki abhi tak company ka K-series mein koi phone nahin aaya hai. Is film par jo specifications humein nazar aaye hain, unke according Redmi K20 Pro mein 6.39 inch ki AMOLED display hogi.

Saath hi Redmi K20 Pro mein 4000mAh ki battery ho sakti hai aur triple rear cameras bhi is protection flim par mention hain, jismein main camera 48MP ka diya gaya hai aur selfies ke liye 20 MP ka AI enabled selfie camera moujood hoga. Is upcoming smartphone mein aapko 27W fast charging support bhi mil sakta hai.

Yahaan ye mention karna zaroori hai, ki company ne is naam ko abhi confirm nahin kiya hai, lekin agar ye sahi hai, to maana jaa sakta hai ki Redmi ne flagship smartphones ke liye new K-series ko launch karne ka socha hai.

Aane waale samay mein, is smartphone se judi aur bhi khabarein, humaare saamne jaldi hi aayengi.

 

Source

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: