Redmi Snapdragon 855 Ka Naam Nahin Hoga ‘Redmi X’: Company GM Ne Kiya Confirm

Wednesday ko hi khabar aayi thi ki Redmi, jis Snapdragon 855 phone par kaam kar rahi hai, uska naam Redmi X hoga. Isko lekar Weibo par kuch poster leaks bhi humaare saamne aayi. Lekin usi raat company General Manager Lu Weibing ne bhi Weibo par ek post ke through ye confirm kiya ki, Redmi Snapdragon 855 ke saath aane waale smartphone ka naam Redmi X nahin hoga.

Lu Weibing ke post ke baad ye to confirm ho chuka hai ki Weibo par jo leaks aaye the, wo fake hain. Company GM ne likha hai, “Not called Redmi X, there will be a better name”. Kuch samay pehle Lu Weibing ne kaha tha ki Redmi SD855 phone abhi jaldi launch nahin hoga.

Ab maana ye jaa raha hai ki company jis smartphone ko jaldi launch karne waali hai, usmein haal hi mein launch hua Snapdragon 730 processor hoga. Is smartphone ke India launch ka hint kuch dinon pehle Manu Kumar Jain ne bhi Twitter par diya tha. Expect kiya jaa raha hai ki pehle China mein is Snapdragon 730 phone ko launch kiya jayega aur phir India mein is smartphone ko Mi A3 ke naam se introduce kiya jaa sakta hai.

Snapdragon 730 phone mein 48+8+13 MP ke triple rear cameras aane ki khabar saamne aayi hai. Saath hi company is baar is smartphone mein AMOLED display bhi de sakti hai. Iske alawa jo rumors saamne aaye hain, unke according aapko 4000mAh ki battery, in-display fingerprint reader aur 3.5mm audio jack is smartphone mein mil sakta hai.

Isi ke saath reports ye bhi kehti hain, ki Redmi ka ye smartphone aane waale Realme X ka competitor hoga, jismein aapko Snapdragon 730, VOOC 3.0 flash charging, 6.3 inch full HD+ display aur in-display fingerprint reader milne waala hai.

Well, ye hai Redmi SD855 phone ki update, lekin filhaal lagta hai ki company Snapdragon 730 waale phone par focus kar rahi hai aur abhi jaldi mein humein Redmi SD855 phone nahin milne waala hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: