Redmi Snapdragon 855 Chipset Ke Saath Lekar Aayega Premium Smartphone: Redmi President Ne Kiya Confirm

Independent sub-brand banne ke baad, Redmi ke first smartphone Redmi Note 7 ko hum sab dekh hi chuke hain au rise kaafi achha response mila hai. Ye smartphone ab jaldi hi India mein bhi aane waala hai. Lekin aaj jo khabar saamne aayi hai, wo isse bhi interesting hai. Darasal Redmi ek naye smartphone par kaam kar raha hai, jismein aapko Qualcomm ka latest chipset Snapdragon 855 dekhne ko milega.

Darasal, haal hi mein Redmi ke President bane Lu Weibing ne, Shenzen mein Xiaomi ke R&D centre mein hui meeting ke baad, khud ye bataaya hai ki company ko apne upcoming smartphone Redmi Note 7 Pro se kaafi huge expectations hain aur saath hi company two new smartphones par kaam kar rahi hai.

Halaanki unhone jyadakuch nahin kaha, lekin ye bataaya ki aaj unhone is meeting mein aane waale two new smartphones ki details discuss ki aur inmein se ek smartphone Qualcomm ke naye aur ab tak ke sabse powerful chipset Snapdragon 855 ke saath launch kiya jayega. Is smartphone ke baare mein aur koi information unhone nahin di, lekin ye clear hai ki ab independent brand announce hone ke baad, hum Redmi ka premium smartphone jaldi hi dekhenge.

Filhaal company apne upcoming smartphone Redmi Note 7 Pro ke launch ki taiyaari mein hai aur iske baad Xiaomi MWC 2019 mein bhi apna 5G smartphone launch karne jaa rahi hai, jo ki Mi MIX 3 hi ho sakta hai. Wahin Mi ki taraf se Mi 9 bhi Q2 mein triple rear cameras ke saath launch ho sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: