Redmi Note 8 Ko Redmi President Ne Kiya Confirm, Isi Month Launch Ho Sakta Ye Phone

Redmi Note 7 series ko kaafi achha response mila hai, aur ab kuch samay se Redmi Note 8 ke leaks bhi saamne aa rahe hain. Iske baad aaj Redmi Note 8 ki presence ko Redmi President Lu Weibing ne khud confirm kar diya hai.

Redmi Note 8 par aa rahe rumors ko dekhne ke baad, Lu Weibing ne ek message diya hai, jismein likha hai, “Redmi Note 8 is much stronger than the next door…” Ye message saaf ishara karta hai ki Redmi Note 8 ka launch paas hi hai, lekin ye abhi sirf ek hint hai.

Saath hi is Redmi Note 8 ki khabar ko 7th August ko China mein hone waale ‘Future Of Imaging Technology’ event se bhi joda jaa raha hai, jismein company apna first 64MP quad camera phone announce karne waali hai. Expect kiya jaa raha hai ki ye phone Redmi Note 8 bhi ho sakta hai.

Lekin company President ne is smartphone ki abhi koi details share nahin ki hai. Company ne haal hi mein teaser invite show kiya hai, jismein 64MP camera phone ka hint aur detailing ke saath camera sample dikhaaya gaya hai.

Ye camera phone Samsung ke isi year mein launch kiye gaye ISOCELL Bright GW1 64MP sensor ke saath aa sakta hai. Ye camera sensor, 4 pixels ko 1 mein combine karke, 16 MP ki detailed aur amazing pictures deliver karta hai.

Iske alawa Redmi Note 8 mein company ka apna fast charging support bhi ho sakta hai. Lekin iske alawa aur koi details bahaar nahin aayi hain. Well, is khabar ke baad, is phone ke leaks jaldi hi aane ki ummid hai, to aap bane rahiye sharmaji infinity ke saath.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: