Redmi Note 7S Ke Camera Samples Aaye Saamne, Flipkart Exclusive Hoga Yeh Phone

Xiaomi India ke head Manu Kumar Jain ne kal ek tweet ke jariye bataya ki company issi month Redmi ke ek aur smartphone Redmi Note 7S ko launch karne wali hai. Yeh phone 20th May ko India mein launch kiya jaayega. Tweet ke saath hi Manu Kamur ne ek photo bhi share ki thi jo ki Redmi Note 7S se hi li gayi thi. Aaj iss phone ke kuch aur camera samples saamne aaye hain jinmein kuch photos ko day time mein aur kuch photos ko night time mein click kiya gaya hai. Iske alawa yeh phone Flipkart exclusive hone wala hai. Flipkart ki website par aap Mobile section mein jaa kar iss phone ki teaser image ke saath Stay Tuned Notice ko dekh sakte hain. Saath hi iss phone ki launching date bhi poster par mention ki gayi hai.

 

 

Post ki gayi images mein picture quality ko bahut hi clearly dekha jaa sakta hai. Sabhi images ke bottom left corner par 48MP dual camera mention hai. Jis se yeh confirm ho jaata hai ki iss phone mein humein dual rear camera setup dekhne ko milega jismein primary camera 48MP ka hoga. Dikhai de rahi images mein saturation aur color kaafi bright dekhe jaa sakte hain. Photos ko alag alag aspects se click kiya gaya hai jis se picture ki detailing ko properly samjha jaa sake. Night time mein li gayi image street light ke under mein li gayi hai jis se yeh bhi clear ho jata hai ki yeh phone low light photography ke liye bhi bhadiya saabit ho sakta hai.

 

Rumors ke according iss phone mein secondary camera 5MP ka diya jaa sakta hai jaisa ki humein Redmi Note 7 Pro mein dekhne ko mila tha. Iske alawa yeh phone 13MP ke front facing camera ke saath launch kiya jaa sakta hai. Issi ke saath Manu Kumar Jain ne aaj ek phone ke saath picture share ki hai jismein phone red color mein dikhai de raha hai. Background mein 7S likha hua hai. Iss se expect kiya jaa raha hai ki yeh phone Redmi Note 7S ho sakta hai jo ki Red color variant mein aa sakta hai. Iske alawa iss phone ka ek aur poster saamne aaya hai jismein phone ka front look dikhai de raha hai. Front look ke saath iss phone mein milne wali notch bhi visible ho rahi hai. Well, 20th May ko launch hone ke baad jaldi iss phone ke sabhi specs price ke saath humare saamne aa jaayenge.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: