Redmi Note 7 Pro Vs Samsung Galaxy M30 Detailed Comparison: Which One is Best Under 15K ?

Jab bhi kabhi Samsung, Oppo ya Vivo lower range mein smartphones lekar aate hain, usi samay Xiaomi kuch naa kuch aisa launch karta hai, jo lowest price mein best hota hai. Is baar bhi Xiaomi ne Redmi Note 7 Pro ko India mein launch karke kuch aisa hi kiya hai.

Amazing specs aur aggressive pricing ke saath ye smartphone kaafi surkhiyaan bator raha hai. Lekin saath hi Samsung ne bhi affordable segment mein Galaxy M30 ko launch kiya hai. Redmi Note 7 Pro aur Samsung ke is affordable handset, dono mein hi powerful specs hain aur aapko aggressive prices ke saath milte hain. Almost same price aur specs wise bhi kaafi similarity ke baad dono mein se kaun sa smartphone better hai, ye jaana to banta hai. To aaiye ek detailed comparison mein jaan hi lete hain ki Redmi Note 7 Pro better hai, ya Samsung Galaxy M30.

Design And Build Quality

Redmi Note 7 Pro mein front aur rear panel par dono taraf glass hai, saath hi dono taraf Corning Gorilla Glass 5 ki protection hai. Company bhi claim karti hai, ki chote drops ya tumble ye, ye phone aaram se survive kar sakta hai. Wahin ismein gradient finish hai aur look wise ek premium phone ki feel deta hai. Jabki Galaxy M30 front panel ki taraf se kaafi attractive hai, lekin wahi iska rear panel plastic ka hai aur thoda cheap look deta hai. Lekin M30 rounded edges ke saath aata hai, to hold karne mein jyada comfortable hai. Jabki Redmi Note 7 Pro slightly thicker hai, phir bhi one hand se easily operate hota hai.

Lekin design aur build quality dono ke maamle mein is baar Xiaomi ka Redmi Note 7 Pro baazi maar gaya hai.

Display

Dono smartphones mein hi full HD+ display aapko yahaan par di gayi hain. Redmi Note 7 Pro mein 6.3 inch ki full HD+ display hai, jabki Galaxy M30 mein 6.4 inch ki full HD+ display hai. Redmi Note 7 Pro mein 19.5:9 aspect ratio ke saath LTPS in-cell display panel use kiya gaya hai. Wahin M30 mein 19:9 aspect ratio ke saath AMOLED display use hua hai.

Dono hi smartphones mein achhi displays hain, color accuracy bhi thik hai. Lekin AMOLED panel ke saath M30 ki display jyada better feel bhi deti hai aur brightness & viewing angles bhi Note 7 Pro se slightly better hai.

Display mein jyada fark nahin hai, lekin M30 thoda aage hai.

Chipset

Galaxy M30 mein Exynos 7904 processor hai, Redmi Note 7 Pro mein Snapdragon 675 processor hai. Dekha jaaye to, dono hi chipsets capable hain, lekin Note 7 Pro ka chipset hi, is smartphone ki highlight aur strength hai. Yahaan par hum ye kahenge ki Samsung ka chipset is price range mein achha hai, ek basic user ke liye kaafi behtar hai. Lekin Note 7 Pro mein jo chipset aapko mila hai, wo is price ke according bahut jyada better hai.

Dono smartphones ke chipset mein kaafi fark hai aur Redmi Note 7 Pro ki performance Snapdragon 675 ke saath kaafi  behtar aur smooth hai. Is smartphone mein aap heavy games, multiple apps usage, kuch bhi easily kar sakte hain.

Camera

Redmi Note 7 Pro mein hai, 48 MP ka camera, jo Sony ka IMX586 sensor use karta hai. Wahin M30 mein triple rear camera setup milta hai, jismein 13 MP ka main sensor hai, 5 MP ultra wide angle lens hai aur 5 MP ka camera depth focusing ke liye hai. Yahaan par wide angle lens camera aapko sirf Galaxy M30 mein hi milta hai. Lekin Redmi Note 7 Pro aapko binning technology ke saath kaafi jyada details ke saath better image ka promise karta hai. Saath hi ismein kuch naye features jaise ki Night mode, Studio lighting mode bhi milte hain.

Iske alawa front par Redmi Note 7 Pro mein 13 MP ka AI camera hai, jabki Galaxy M30 mein 16 MP ka front facing shooter hai. Well, number wise to M30 hi aage hai, lekin actual result ke liye aapko hamaari camera testing tak ka wait karna padega, jo ki aap Sharmaji Technical ke upcoming video mein dekh sakenge.

Battery

Redmi Note 7 Pro mein 4,000 mAh ki battery hai, jo ki fast charging ke saath di gayi hai. Lekin box mein yahaan aapko 10W ka hi charger milta hai, jabki Quick Charge 4.0 support ke liye aapko market se separate 18W ka charger lena hoga.

Iske alawa Galaxy M30 mein, 5,000mAh ki battery fast charging ke saath di gayi hai. Achhi baat ye hai ki yahaan par phone ke saath jo charger aata hai, wo bhi fast charging ko support karta hai.

Pricing & Availability

Galaxy M30 4GB+64GB – 14,990 INR

Galaxy M30 6GB+128GB – 17,990 INR

Redmi Note 7 Pro – 4GB+64GB – 13,999 INR

Redmi Note 7 Pro – 6GB+128GB – 16,999 INR

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: